ཡིག་ཚང་གི་ནང་དོན་མདོར་བསྡུས། དེབ་ཐེར་འདིའི་ནང་དུ《ཏུན་ཧོང་ཡིག་རྙིང》དང《རྒྱའི་ལོ་རྒྱུས་ཡིག་ཚང》《རྡོ་རིང་ཡི་གེ》གསུམ་ཁུངས་སུ་བྱས་ཤིང་སྲིད་ལུགས་དང་འབྲེལ་བའི་སྒོ་ནས་ཐོག་མར་བོད་ཀྱི་ཡུལ་མིང་ཐོགས་ཚུལ་ནས། བོད་ཀྱི་རྗེ་བྱོན་ཚུལ། ལྷག་པར་བོད་རྗེ་བཙན་པོ་གནམ་རི་སྲོང་བཙན་དང་། སྲོང་བཙན་སྒམ་པོ། མང་སྲོང་མང་བཙན་སོགས་ཀྱི་མཛད་རྗེས་དང་དེ་དག་གི་དུས་སྐབས་ཀྱི་ཆབ་སྲིད་ཀྱི་ཡོ་ལང་། རྒྱལ་བློན་དེ་དག་གིས་དཔའ་བོའི་དཔུང་དང་། བཙན་པོའི་སྟོབས་བསྐྱེད་དེ་མཐའ་བཞིའི་རྒྱལ་ཁམས་དབང་དུ་བསྡུས་ཚུལ་སོགས་རྒྱལ་རབས་ལོ་རྒྱུས་ཡིག་ཚང་དེ་དག་ནས་བྱུང་བའི་ལོ་རྒྱུས་རྣམས་གུང་བསྒྲིགས་ཤིང་བསྟན་ཡོད་དོ། །