(༢. མཚན་ཉིད་མེད་པའི་ཆོས་ཀྱི་འཁོར་ལོའ་དགོངས་འགྲེལ།)

གཉིས་པ་བཀའ་བར་པའི་དགོངས་འགྲེལ་ལ། རྒྱལ་བའི་ཡུམ་སྟོང་ཕྲག་བརྒྱ་པའི་འགྲེལ་ཆེན་བམ་པོ་བདུན་ཅུ་རྩ་བརྒྱད་ཅུང་ཟད་མ་འགྱུར་བ། འདི་འཕང་ཐང་མར་བཙན་པོ་ཁྲི་སྲོང་སྡེ་བཙན་གྱིས་བྱས་པར་བྲིས་མོད་ཀྱི་དཀར་ཆག་གོང་མ་གཉིས་སུ་རྒྱ་གར་མར་བཤད་པས་དཾཥྚ་སེ་ནས་བྱས་པ་དེ་ཡིན་ནོ། །རྒྱལ་བའི་ཡུམ་སྟོང་ཕྲག་བརྒྱ་པ་དང་ཉི་ཁྲི་ལྔ་སྟོང་པ་དང་ཁྲི་བརྒྱད་སྟོང་པ་རྣམས་ཀྱི་གཞུང་འགྲེལ་བམ་བོ་ཉི་ཤུ་རྩ་བདུན་པ་བསྒྱུར་འཕྲོ། འདི་དཾཥྚ་སེ་ནས་བྱས་ཟེར་བ་མང་མོད་ཀྱི་འདི་ནི་དབྱིག་གཉེན་གྱི་གཞུང་འགྲེལ་ཡིན་ཏེ་ཐུབ་པ་དགོངས་རྒྱན་ལ་སོགས་པར་ཉི་ཁྲི་གཞུང་འགྲེལ་ལས་དྲངས་པའི་ཚིག་རྣམས་དེར་ཇི་ལྟ་བ་བཞིན་སྣང་བའི་ཕྱིར་དང་། དབུར་ཡང་། འདི་ཡི་གཞུང་འགྲེལ་གནོད་འཇོམས་བྱ་བར་འདོད། །ཅེས་འབྱུང་བའི་ཕྱིར་རོ། །ཁ་ཆེ་དྷརྨ་ཤྲཱིའི་འབུམ་གྱི་

ཊཱིཀ །ཡུམ་གསུམ་མཐུན་པར་དོན་བརྒྱད་ཀྱིས་བསྟན་པའི་ཊཱིཀ་སྨྲྀ་ཏིས་མཛད་པ་དེའི་རང་འགྱུར། ཉི་ཁྲི་ལེ་བརྒྱད་མའི་བསྡུས་དོན་གྱི་འགྲེལ་པ་སློབ་དཔོན་སེང་གེ་བཟང་པོས་མཛད་པ་ཚུལ་ཁྲིམས་རྒྱལ་བའི་འགྱུར། འཕགས་པ་གྲོལ་སྡེས་མཛད་པའི་ཉི་ཁྲི་སྣང་བ་བློ་ལྡན་ཤེས་རབ་ཀྱི་འགྱུར། བཙུན་པ་གྲོལ་སྡེས་མཛད་པའི་ཉི་ཁྲི་རྣམ་འགྲེལ་འབྲོ་སེང་དཀར་ཤཱཀྱ་འོད་ཀྱི་འགྱུར། སློབ་དཔོན་ཤཱནྟི་པས་མཛད་པའི་ཉི་ཁྲིའི་འགྲེལ་པ་དག་ལྡན་འགོས་ཀྱི་འགྱུར། སློབ་དཔོན་སེང་གེ་བཟང་པོས་མཛད་པའི་བརྒྱད་སྟོང་པའི་འགྲེལ་པ་མངོན་པར་རྟོགས་པའི་རྒྱན་གྱི་སྣང་བ་ཤུ་ལོག་སྟོང་ཕྲག་བརྒྱད་པ་རྔོག་འགྱུར། སློབ་དཔོན་ཤཱནྟི་པས་མཛད་པའི་བརྒྱད་སྟོང་པའི་འགྲེལ་པ་སྙིང་པོ་མཆོག་ཤཱཀྱ་བློ་གྲོས་ཀྱི་འགྱུར། སློབ་དཔོན་འཇིགས་མེད་འབྱུང་གནས་སྦས་པས་མཛད་པའི་བརྒྱད་སྟོང་འགྲེལ་པ་གནད་ཀྱི་ཟླ་ཟེར་ཤེས་རབ་དཔལ་གྱི་འགྱུར། སློབ་དཔོན་ཕྱོགས་གླང་གིས་མཛད་པའི་བརྒྱད་སྟོང་པའི་དོན་བསྡུས་དང་། དེའི་རྒྱ་ཆེར་འགྲེལ་པ་སློབ་དཔོན་དཀོན་མཆོག་འབངས་ཀྱིས་མཛད་པ་གཉིས་རྔོག་འགྱུར། དཔལ་ལྡན་རྒྱལ་པོ་ཛ་གད་ཏ་ལར་གནས་པས་མཛད་པ་བརྒྱད་སྟོང་པའི་རྣམ་པར་བཤད་པ་མན་ངག་གི་རྗེས་སུ་འབྲངས་པ་ག་རོད་ཚོལ་ཁྲིམས་འབྱུང་གནས་སྦས་པའི་འགྱུར། སློབ་དཔོན་དྲི་མེད་བཤེས་གཉེན་གྱིས་མཛད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་བདུན་བརྒྱ་པའི་འགྲེལ་པ་བམ་པོ་བདུན། སློབ་དཔོན་ཀ་མ་ལ་ཤཱི་ལས་མཛད་པའི་བདུན་བརྒྱ་པའི་འགྲེལ་པ་བམ་པོ་དྲུག་ནམ་མཁའ་སྐྱོང་གི་འགྱུར། འདིར་བདུན་བརྒྱ་པའི་འགྲེལ་པ་ཤུ་ལོག་བརྒྱ་པ་སློབ་དཔོན་ཡེ་ཤེས་བཤེས་གཉེན་གྱིས་མཛད་པ་དང་། ཡང་བདུན་བརྒྱ་པའི་འགྲེལ་པ་བམ་པོ་གཉིས་པ་དང་། ཚུལ་བརྒྱ་ལྔ་བཅུ་པའི་འགྲེལ་པ་སྔགས་ཀྱི་ཚུལ་དུ་བཤད་པ་བམ་པོ་གཅིག་པ་རྣམས་བཙལ་བར་བྱའོ། །སློབ་དཔོན་སེང་གེ་བཟང་པོས་མཛད་པའི་སྡུད་འགྲེལ་རྟོགས་པར་སླ་བ་ཤཱཀྱ་འོད་ཀྱི་འགྱུར། སློབ་དཔོན་སངས་རྒྱས་ཡེ་ཤེས་ཀྱིས་མཛད་པའི་སྡུད་པའི་དཀའ་འགྲེལ་བམ་པོ་དྲུག་དཔལ་

༄༅།        །བརྩེགས་ཀྱི་འགྱུར། ཁ་ཆེ་དྷརྨ་ཤྲཱིས་མཛད་པའི་སྡུད་པའི་ལྡེ་མིག་བ་རེག་གི་འགྱུར་དུ་གྲགས་པ། སློབ་དཔོན་དྲི་མེད་བཤེས་གཉེན་གྱིས་མཛད་པའི་སྡུད་པའི་དོན་བསྡུས་སློབ་དཔོན་དེ་ཉིད་དང་དགྲ་བཅོམ་རིན་ཆེན་སྡེའི་འགྱུར། འདི་བསྟན་འགྱུར་དུ་མ་ཆུད། རྡོ་རྗེ་གཅོད་པའི་འགྲེལ་པ་ཀ་མ་ལ་ཤཱི་ལས་བྱས་པ་བམ་པོ་ལྔ་ཡེ་ཤེས་སྡེའི་འགྱུར། འདིར་རྡོ་རྗེ་གཅོད་པའི་འགྲེལ་པ་སློབ་དཔོན་ཡོན་ཏན་འོད་ཟེར་བྱིན་གྱིས་མཛད་པ་བམ་པོ་གཉིས་པ་དང་། རྡོ་རྗེ་གཅོད་པའི་རྣམ་པར་བཤད་པ་བམ་པོ་གཉིས་དང་ཤུ་ལོག་ལྔ་བཅུ་པ་དང་། རྡོ་རྗེ་གཅོད་པའི་རྣམ་པར་བཤད་པ་ཚིག་ལེའུར་བྱས་པ་ཤུ་ལོག་སུམ་ཅུ་རྩ་བདུན་པ་རྣམས་མ་རྙེད་དོ། །སློབ་དཔོན་ཡེ་ཤེས་བཤེས་གཉེན་གྱིས་མཛད་པའི་ཤེར་སྙིང་འགྲེལ་པ། ཤེས་རབ་སྙིང་པོའི་འགྲེལ་པ་དོན་གྱི་སྒྲོན་མ། ཤེས་རབ་སྙིང་པོའི་རྒྱ་ཆེར་འགྲེལ་པ། སློབ་དཔོན་ཀ་མ་ལ་ཤཱི་ལས་མཛད་པའི་ཤེར་སྙིང་འགྲེལ་པ་འཕགས་པ་ཤེས་རབ་ཀྱི་འགྱུར། སློབ་དཔོན་པད་མས་མཛད་པའི་ཤེར་སྙིང་འགྲེལ་པ། སློབ་དཔོན་ཀླུ་སྒྲུབ་ཀྱིས་མཛད་པའི་ཤེར་སྙིང་སྒྲུབ་ཐབས་གླན་ཆུང་དང་སྟག་ལོའི་འགྱུར། འདི་སྔགས་སུ་གཏོགས་པར་སེམས་སོ། །དོན་བཅུས་གསལ་བར་བསྟན་པའི་ཤེར་སྙིང་འགྲེལ་པ། སློབ་དཔོན་དྲི་མེད་བཤེས་གཉེན་གྱིས་མཛད་པའི་ཤེར་སྙིང་རྒྱ་ཆེར་འགྲེལ་བནྡྷེ་ནམ་མཁའ་དང་ཡེ་ཤེས་སྙིང་པོའི་འགྱུར། ཡང་རྡོ་རྗེ་གཅོད་པའི་འགྲེལ་པ་རྒྱ་ལས་འགྱུར་བ་བམ་པོ་ལྔ་པ་མ་རྙེད་དོ། །མངོན་རྟོགས་རྒྱན་གྱི་སྐོར་ལ། མངོན་རྟོགས་རྒྱན་བམ་པོ་གཉིས་རྔོག་ལ་སོགས་པའི་འགྱུར། དེའི་འགྲེལ་པ་སློབ་དཔོན་སེང་གེ་བཟང་པོས་མཛད་པ་དོན་གསལ་བམ་པོ་ལྔ་དཔལ་བརྩེགས་དང་བློ་ལྡན་ཤེས་རབ་ཀྱི་འགྱུར། དཀར་ཆག་མཆིམས་ཕུ་མ་དང་འཕང་ཐང་མར་མངོན་པར་རྟོགས་པའི་རྒྱན་རྒྱ་ཆེར་འགྲེལ་པ་བམ་དྲུག་ཅེས་འབྱུང་བ་དེ་འདི་ལ་འཁྲུལ་ལམ་གཞན་ཡོད་བརྟག་པར་བྱའོ། །དོན་གསལ་གྱི་འགྲེལ་བཤད་ཚིག་རབ་ཏུ་གསལ་

བ་སློབ་དཔོན་དབུ་མ་པ་ཆོས་ཀྱི་བཤེས་གཉེན་གྱིས་མཛད་པ་ཆོས་ཀྱི་ཤེས་རབ་ཀྱི་འགྱུར། ནུབ་ཀྱི་སྒོ་གླེགས་པ་ཤེས་རབ་འབྱུང་གནས་བློ་གྲོས་ཀྱིས་མཛད་པ་རྔོག་འགྱུར། གསེར་གླིང་པ་ཆོས་ཀྱི་གྲགས་པས་མཛད་པ་རྟོགས་དཀའི་སྣང་བ་རིན་ཆེན་བཟང་པོའི་འགྱུར། ཁ་ཆེ་གཞོན་ནུ་དཔལ་གྱིས་མཛད་པའི་དོན་བསྡུས་བཀྲ་ཤིས་རྒྱལ་མཚན་གྱི་འགྱུར། མངོན་རྟོགས་རྒྱན་གྱི་འགྲེལ་པ་གྲགས་པའི་ཆ་རཏྣ་ཀིརྟིས་མཛད་པ། ལ་ཆིངས་ཡོན་ཏན་འབར་གྱི་འགྱུར། འདི་འགྲེལ་ཆུང་གི་འགྲེལ་པར་འདོད་པ་ནོར་བ་ཡིན་ནོ། །པཎྜི་ཏ་བུདྡྷ་ཤྲཱི་ཛྙཱ་ནས་མཛད་པའི་མངོན་རྟོགས་རྒྱན་གྱི་འགྲེལ་བ་ཤེས་རབ་སྒྲོན་མའི་ཕྲེང་བ་བྱམས་པའི་དཔལ་གྱི་འགྱུར། འདིར་བསྟན་བཅོས་རིན་ཆེན་སྒྲོན་མ་དང་། ཉི་ཁྲི་གཞུང་འགྲེལ་ཆུང་བ་ནི་བོད་ཀྱིས་བྱས་པའོ་ཞེས་ཁ་ཅིག་གོ །ཇོ་བོ་རྗེས་མཛད་པའི་ཤེས་རབ་ཀྱི་ཕ་རོལ་ཏུ་ཕྱིན་པའི་དོན་བསྡུས་སྒྲོན་མ་ནག་ཚོའི་འགྱུར། དཔལ་ཀཾ་པ་ལས་མཛད་པ་ཤེས་རབ་ཀྱི་ཕ་རོལ་ཏུ་ཕྱིན་པ་བསྡུས་པའི་ཚིགས་སུ་བཅད་པ་དགུ་པ་དང་། དེའི་རྒྱ་ཆེར་འགྲེལ་པ་གཉིས་རིན་ཆེན་བཟང་པོའི་འགྱུར། དབུ་མའི་སྐོར་ལ། དབུ་མ་རྩ་བའི་ཚིག་ལེའུར་བྱས་པ་ཤེས་རབ་བམ་པོ་གཅིག་དང་ཤུ་ལོག་བརྒྱ་བཞི་བཅུ་པ་སློབ་དཔོན་ཀླུ་སྒྲུབ་ཀྱིས་མཛད་པ་ཀླུའི་རྒྱལ་མཚན་གྱི་འགྱུར། སློབ་དཔོན་དེས་མཛད་པའི་རིགས་པ་དྲུག་ཅུ་པ་ཤུ་ལོག་དྲུག་ཅུ་རྩ་གཉིས་པ་ཉི་མ་གྲགས་ཀྱི་འགྱུར། སྟོང་ཉིད་བདུན་ཅུ་པ་ཤུ་ལོག་བདུན་ཅུ་རྩ་བཞི་པ་གཞོན་ནུ་མཆོག་ལ་སོགས་པའི་འགྱུར། རྩོད་པ་ཟློག་པའི་ཚིག་ལེའུར་བྱས་པ་ཤུ་ལོག་བདུན་ཅུ་དཔལ་བརྩེགས་དང་ཁུ་མདོ་སྡེ་འབར་གྱི་འགྱུར། ཞིབ་མོ་རྣམ་འཐག་གྲགས་འབྱོར་ཤེས་རབ་ཀྱི་འགྱུར། དབུ་མ་རྩ་བའི་རང་འགྲེལ་ག་ལས་འཇིགས་མེད་བམ་པོ་བདུན་དང་། རྩོད་ཟློག་གི་རང་འགྲེལ་བམ་པོ་གཅིག་དང་ཤུ་ལོག་བརྒྱ་པ་དང་། སྟོང་ཉིད་བདུན་ཅུ་པའི་འགྲེལ་པ་ཤུ་ལོག་ཉིས་བརྒྱ་བརྒྱད་ཅུ་པ་དང་། ཞིབ་མོ་རྣམ་འཐག་གི་འགྲེལ་པ་རྣམས་མདོ་སྡེ་འབར་གྱི་འགྱུར། དབུ་མ་རྩ་བའི་འགྲེལ་པ་སློབ་དཔོན་སངས་རྒྱས་བསྐྱངས་

༄༅།        །ཀྱིས་མཛད་པ་བམ་པོ་བཅུ་ཀླུའི་རྒྱལ་མཚན་གྱི་འགྱུར། དབུ་མ་རྩ་བའི་འགྲེལ་པ་ཚིག་གསལ་སློབ་དཔོན་ཟླ་བ་གྲགས་པས་མཛད་པ་པ་ཚབ་ཀྱི་འགྱུར། སློབ་དཔོན་ལེགས་ལྡན་འབྱེད་ཀྱིས་མཛད་པ་དབུ་མ་རྩ་བའི་འགྲེལ་པ་ཤེས་རབ་སྒྲོན་མ་བམ་པོ་ཉི་ཤུ་ཀླུའི་རྒྱལ་མཚན་གྱི་འགྱུར། ཤེས་རབ་སྒྲོན་མའི་འགྲེལ་བཤད་བཙུན་པ་སྤྱན་རས་གཟིགས་བརྟུལ་ཞུགས་ཀྱིས་མཛད་པ་བམ་པོ་བརྒྱད་ཅུ་པ་ཀླུའི་རྒྱལ་མཚན་གྱི་འགྱུར། སྟོང་ཉིད་བདུན་ཅུ་པའི་འགྲེལ་པ་པཎྜི་ཏ་གཞན་ལ་ཕན་པ་བཟང་པོས་མཛད་པ་གཞོན་ནུ་མཆོག་གི་འགྱུར། རིགས་པ་དྲུག་ཅུ་པའི་འགྲེལ་པ་ཟླ་བ་གྲགས་ཀྱིས་མཛད་པ་ཡེ་ཤེས་སྡེའི་འགྱུར། འཕགས་པ་ལྷས་མཛད་པའི་དབུ་མ་བཞི་བརྒྱ་པ་དང་། དེའི་འགྲེལ་པ་སློབ་དཔོན་ཟླ་བ་གྲགས་པས་མཛད་པ་གཉིས་པ་ཚབ་ཀྱི་འགྱུར། འཕགས་པ་ལྷས་མཛད་པའི་ཡེ་ཤེས་སྙིང་པོ་ཀུན་ལས་བཏུས་པ་དང་། དེའི་འགྲེལ་པ་སློབ་དཔོན་བྱང་ཆུབ་བཟང་པོས་མཛད་པ་གཉིས་ཆོས་ཀྱི་ཤེས་རབ་ཀྱི་འགྱུར། འཕགས་པ་ལྷས་མཛད་པའི་དབུ་མ་ལག་པའི་ཚད་ཤུ་ལོག་བཅོ་ལྔ་དང་། དེའི་འགྲེལ་པ་ཤུ་ལོག་ཉི་ཤུ་པ་གཉིས་དཔལ་འབྱོར་སྙིང་པོ་དང་དཔལ་བརྩེགས་ཀྱི་འགྱུར། འཕགས་པ་ལྷས་མཛད་པའི་འཁྲུལ་པ་བཟློག་པའི་གཏན་ཚིགས་གྲུབ་པ་དཔལ་བརྩེགས་ཀྱི་འགྱུར། ཐེག་ཆེན་ཉི་ཤུ་པ་ཤཱཀྱ་འོད་ཀྱི་འགྱུར། དབུ་མ་ཡི་གེ་བརྒྱ་པ་རྩ་འགྲེལ་གཞོན་ནུ་ཤེས་རབ་དང་གྲགས་འབྱོར་ཤེས་རབ་ཀྱི་འགྱུར། དབུ་མ་རྟེན་འབྲེལ་སྙིང་པོ་རྩ་འགྲེལ་ཤུ་ལོག་ལྔ་བཅུ་རྩ་བཞི། སྲིད་པ་འཕོ་བ། དེའི་འགྲེལ་པ་པཎྜི་ཏ་བྱམས་པ་མགོན་པོས་མཛད་པ་ཟླ་བ་གཞོན་ནུའི་རང་འགྱུར། སྐྱེ་མེད་རིན་པོ་ཆེའི་མཛོད་དུ་གྲགས་པ་པ་ཚབ་ཀྱི་འགྱུར། མ་རྟོགས་པ་རྟོགས་པར་བྱེད་པའི་རབ་ཏུ་བྱེད་པ་གྲགས་འབྱོར་ཤེས་རབ་ཀྱི་འགྱུར། སློབ་དཔོན་ཟླ་བ་གྲགས་པས་མཛད་པའི་དབུ་མ་ཕུང་པོ་ལྔའི་རབ་ཏུ་བྱེད་པ་ནག་ཚོའི་འགྱུར། དབུ་མ་ལ་འཇུག་པའི་རྩ་བ་ནག་ཚོ་དང་

པ་ཚབ་ཀྱི་འགྱུར། དེའི་འགྲེལ་པ་པ་ཚབ་ཀྱི་འགྱུར། དེའི་འགྲེལ་བཤད་པཎྜི་ཏ་ཛ་ཡ་ཨཱ་ནནྟས་མཛད་པ་ཀུན་དགའ་གྲགས་ཀྱི་འགྱུར། པཎྜི་ཏ་ཛ་ཡ་ཨཱ་ནནྟས་མཛད་པའི་རྟོག་གེ་ཐོ་བ་མདོ་སྡེ་འབར་གྱི་འགྱུར། སློབ་དཔོན་ལེགས་ལྡན་བྱེད་ཀྱིས་མཛད་པའི་དབུ་མའི་སྙིང་པོ་བསྡུས་པ་ཤུ་ལོག་བརྒྱད་ཅུ། དེའི་འགྲེལ་པ་རྟོག་གེ་འབར་བ། དབུ་མའི་དོན་བསྡུས་པ་རྣམས་ནག་ཚོའི་འགྱུར། དབུ་མ་རིན་པོ་ཆེའི་སྒྲོན་མ་རྒྱ་བརྩོན་སེང་དང་ནག་ཚོའི་འགྱུར། སློབ་དཔོན་ནག་པོ་པས་མཛད་པའི་དབུ་མ་རྟེན་འབྱུང་། འཁྲུལ་པ་འཇོམས་པ་རྩ་འགྲེལ་ནག་ཚོའི་འགྱུར། སློབ་དཔོན་ཛེ་ཏ་རིས་མཛད་པའི་གཞུང་གི་རབ་བྱེད་ཤཱཀྱ་འོད་ཀྱི་འགྱུར། ཇོ་བོ་རྗེས་མཛད་པའི་བདེན་གཉིས་ལ་འཇུག་པ། དེའི་དཀའ་འགྲེལ་སློབ་དཔོན་དྷརྨ་ཀ་ར་མ་ཏིས་མཛད་པ་གཉིས་རྒྱ་བརྩོན་སེང་གི་འགྱུར། སློབ་དཔོན་ཡེ་ཤེས་སྙིང་པོས་མཛད་པའི་བདེན་གཉིས་ཤུ་ལོག་ཉི་ཤུ་རྩ་བདུན། དེའི་རང་འགྲེལ་བམ་པོ་གཅིག །དེའི་འགྲེལ་བཤད་སློབ་དཔོན་ཞི་བ་འཚོས་མཛད་པ་བམ་པོ་གསུམ། སློབ་དཔོན་ཞི་བ་འཚོས་མཛད་པའི་དབུ་མ་རྒྱན་ཤུ་ལོག་བརྒྱ། དེའི་འགྲེལ་པ་བམ་པོ་གཉིས་པ་སྟེ་ལྔ་ཡེ་ཤེས་སྡེའི་འགྱུར། དེའི་འགྲེལ་བཤད་སློབ་དཔོན་ཀ་མ་ལ་ཤཱི་ལས་མཛད་པ་བམ་པོ་ལྔ་ཡེ་ཤེས་སྡེ་ལ་སོགས་པའི་འགྱུར། སློབ་དཔོན་ཀ་མ་ལ་ཤཱི་ལས་མཛད་པའི་དབུ་མ་སྣང་བ་བམ་པོ་དགུ། ཆོས་ཐམས་ཅད་རང་བཞིན་མེད་པར་གྲུབ་པ་བམ་པོ་ཕྱེད་དང་གཉིས་དཔལ་བརྩེགས་ཀྱི་འགྱུར། དེ་ཁོ་ན་ཉིད་སྣང་བའི་རབ་ཏུ་བྱེད་པ་བམ་པོ་གཉིས། སློབ་དཔོན་དཔལ་སྦས་ཀྱིས་མཛད་པའི་དེ་ཁོ་ན་ཉིད་ལ་འཇུག་པ་ཤུ་ལོག་སུམ་ཅུ། དེའི་འགྲེལ་པ་ཤུ་ལོག་ཉིས་བརྒྱ། དབུ་མ་ཤེས་རབ་ལ་འཇུག་པ་འགོས་ཀྱི་འགྱུར། སློབ་དཔོན་ཀླུའི་བཤེས་གཉེན་གྱིས་མཛད་པའི་སྐུ་གསུམ་ལ་འཇུག་པ་ཤུ་ལོག་བརྒྱ་ལྔ་བཅུ་རྩ་དྲུག །དེའི་འགྲེལ་པ་སློབ་དཔོན་ཡེ་ཤེས་ཟླ་བས་མཛད་པ་བམ་པོ་གཉིས་དང་ཤུ་ལོག་བརྒྱ་ལྔ་བཅུ་པ་གཉིས་ཡེ་ཤེས་སྡེའི་

༄༅།        །འགྱུར། སློབ་དཔོན་རིག་བྱེད་འོད་ཀྱིས་མཛད་པའི་དབུ་མ་ལུགས་ཀྱི་སྙིང་པོ་བམ་པོ་ཕྱེད་དཔལ་བརྩེགས་ཀྱི་འགྱུར། སློབ་དཔོན་དབུ་མའི་སེང་གེས་མཛད་པའི་ལྟ་བ་ཐ་དད་པ་རྣམ་པར་ཕྱེ་བ་ཆོས་ཀྱི་ཤེས་རབ་ཀྱི་འགྱུར། སློབ་དཔོན་ཨ་བྷྱ་ཀ་ར་གུཔྟས་མཛད་པའི་ཐུབ་པ་དགོངས་པའི་རྒྱན་གསལ་བ་གྲགས་དང་དཔང་བློ་བརྟན་གྱི་འགྱུར། སྤྱོད་འཇུག་གི་སྐོར་ལ། བྱང་ཆུབ་སེམས་དཔའི་སྤྱོད་འཇུག་ཞི་བ་ལྷས་མཛད་པ་རྔོག་འགྱུར། འདི་དཀར་ཆག་ཆེན་མོ་གསུམ་གར་ཤུ་ལོག་དྲུག་བརྒྱ་བམ་པོ་གཉིས་ཞེས་འབྱུང་མོད་ཀྱི་ཤུ་ལོག་སྟོང་དུ་གྲགས་སོ། །སྤྱོད་འཇུག་ལེའུ་དགུ་པ་བློ་གྲོས་མི་ཟད་པས་མཛད་ཟེར་བ་དེ་དང་འདི་མི་གཅིག་ཅེས་སྨྲ་བ་མང་ཡང་སྡིག་བཤགས་ཀྱི་ལེའུ་ལོགས་སུ་བྱས་མ་བྱས་ཀྱི་ཁྱད་པར་དང་འགྱུར་སྔ་ཕྱིའི་ཁྱད་མ་གཏོགས་པ་གཅིག་པར་ཁོ་བོ་སྨྲའོ། །སྤྱོད་འཇུག་གི་འགྲེལ་ཆེན་སློབ་དཔོན་ཤེས་རབ་འབྱུང་གནས་བློ་གྲོས་ཀྱིས་མཛད་པ་དར་མ་གྲགས་ཀྱི་འགྱུར། སློབ་དཔོན་དགེ་བའི་ལྷས་མཛད་པའི་སྤྱོད་འཇུག་གི་འགྲེལ་པ་དགེ་བའི་བློ་གྲོས་ཀྱི་འགྱུར། སློབ་དཔོན་ནག་པོ་པས་མཛད་པའི་དཀའ་འགྲེལ་ཆོས་ཀྱི་ཤེས་རབ་ཀྱི་འགྱུར། སློབ་དཔོན་བཻ་རོ་ཙ་ན་རཀྵི་ཏས་མཛད་པའི་སྤྱོད་འཇུག་འགྲེལ་པ། ཤེས་རབ་ལེའུའི་དཀའ་འགྲེལ་གསུམ་ལས་གཅིག་རྔོག་འགྱུར། བི་བྷུ་ཏི་ཙནྡྲས་མཛད་པའི་སྤྱོད་འཇུག་གི་འགྲེལ་པ་དེའི་རང་འགྱུར། སློབ་དཔོན་གསེར་གླིང་པས་མཛད་པའི་སྤྱོད་འཇུག་གི་དོན་བསྡུས་ནག་ཚོའི་འགྱུར། དེ་ལྟར་ཕ་རོལ་ཏུ་ཕྱིན་པའི་སྐོར་ལ་སུམ་ཅུ་རྩ་དགུ། དབུ་མ་ཕྱོགས་གཉིས་ལ་དྲུག་ཅུ་རྩ་གཉིས། སྤྱོད་འཇུག་གི་སྐོར་ལ་བཅུ་སྟེ་བརྒྱ་རྩ་བཅུ་གཅིག་གོ །འདིར་དེ་ཁོ་ན་ཉིད་ལ་རྩོད་པ་བཟློག་པ་བམ་པོ་གཅིག ། སྟོང་པ་ཉིད་ཀྱི་སྒོ་བཅུ་གཉིས་པ་རྩ་འགྲེལ་གཉིས་ལ་བམ་པོ་གཉིས་པ་རྣམས་མ་རྙེད་དོ། །