(༢. སེམས་བསྐྱེད་ཀྱི་རྒྱུ།)

གཉིས་པ་ནི། དེ་བཞིན་གཤེགས་པའམ། བྱང་སེམས་ཀྱི་ཆོ་འཕྲུལ་མཐོང་བའམ་གཞན་ལས་ཐོས་པ།(ལས་དང་བ་སྐྱེ།) ཐེག་ཆེན་གྱི་སྡེ་སྣོད་ཐོས་པ།(ྋདེ་ལས་སེམས་བསྐྱེད་བས་དང་བ་སོགས།) བྱང་སེམས་ཀྱི་ཆོས་ནུབ་ཏུ་ཉེ་བ་མཐོང་བ།(ྋདེ་ལས་ཆོས་ལ་གཅེས་སྤྲས་སོགས།) སྙིགས་མའི་སེམས་ཅན་ཉོན་མོངས་པར་མཐོང་བ་(ྋལས་སྙིང་རྗེ་དེ་ལས་སེམས་བསྐྱེད་སོགས།)སྟེ་རྐྱེན་བཞི་དང་། རིགས་ཕུན་སུམ་ཚོགས་པ། དགེ་བའི་བཤེས་གཉེན་གྱིས་ཟིན་པ། སྙིང་རྗེ་ཆེ་བ། འཁོར་བའི་དུཿཁས་མི་འཇིགས་པ་སྟེ་རྒྱུ་བཞི་དང་། རང་དང་གཞན་དང་རྒྱུ་དང་སྦྱོར་བའི་སྟོབས་ཏེ་སྟོབས་བཞི་སྟེ་བཅུ་གཉིས་སོ་སོའམ་ཚོགས་པ་ལ་བརྟེན་ནས་སྐྱེ་བར་བཤད་དོ། །བྱང་ས་ལས་རྒྱུ་བཞི་རྐྱེན་བཞི་སྟོབས་བཞི་ལས་སྐྱེ་བར་བཤད་ཅིང་མདོ་

སྡེ་རྒྱན་དུ། གྲོགས་སྟོབས་རྒྱུ་སྟོབས་རྩ་བའི་སྟོབས། །ཐོས་སྟོབས་དགེ་བ་གོམས་པ་ལས། །མི་བརྟན་པ་དང་བརྟན་འབྱུང་བ། །གཞན་གྱིས་བརྟན་པའི་སེམས་བསྐྱེད་བཤད། །ཅེས་ཀུན་རྫོབ་སེམས་བསྐྱེད་ཀྱི་རྒྱུ་དང་། རྫོགས་པའི་སངས་རྒྱས་རབ་བསྙེན་བྱས༏ ༏བསོད་ནམས་ཡེ་ཤེས་ཚོགས་རབ་བསགས། །ཆོས་ལ་མི་རྟོག་ཡེ་ཤེས་ནི། །སྐྱེས་ཕྱིར་དེ་ནི་དམ་པར་འདོད། །ཅེས་དོན་དམ་སེམས་བསྐྱེད་ཀྱི་རྒྱུ་བཤད་དོ། །བསྡུ་ན་ཇི་སྐད་དུ། དེ་ལ་ཐོག་མར་རིགས་ནུས་པས། །སྙིང་རྗེའི་ས་བོན་རབ་སད་ཅིང་། །སྦྱོར་དང་བསམ་པ་ཕུན་ཚོགས་ལས། །བྱང་ཆུབ་སེམས་ནི་ཡོངས་སུ་བཟུང་། །ཞེས་པ་ལྟར་རོ། །