(གཉིས་པ། སྤྱིའི་དགོངས་པ་གསལ་བར་བྱེད་པའི་བསྟན་བཅོས།)

གཉིས་པ་བཀའ་སྤྱིའི་དགོངས་པ་གསལ་བར་བྱེད་པའི་བསྟན་བཅོས་ནི། སློབ་དཔོན་ཕྱོགས་གླང་གིས་མཛད་པ་ལ། ཚད་མའི་མདོ་ཀུན་ལས་བཏུས་སེང་གེ་རྒྱལ་མཚན་གྱི་འགྱུར། དེའི་རང་འགྲེལ་མར་ཐུང་དད་པ་ཤེས་རབ་ཀྱི་འགྱུར། དམིགས་པ་བརྟག་པ་ཤུ་ལོག་བརྒྱད། དེའི་རང་འགྲེལ་ཤུ་ལོག་སུམ་ཅུ་རྩ་གཉིས་པ་དཔལ་བརྩེགས་ཀྱི་འགྱུར། ཚད་མའི་བསྟན་བཅོས་རིགས་པ་ལ་འཇུག་པ་ལྷ་ཆོས་ཀྱི་རིན་ཆེན་གྱི་འགྱུར། དུས་གསུམ་བརྟག་པ་ནག་ཚོའི་འགྱུར། ཕྱོགས་ཆོས་དགུའི་འཁོར་ལོ་ཆོས་ཀྱི་སྣང་བའི་འགྱུར་འདི་ཐེ་ཚོམ་ཟ། སློབ་དཔོན་ཆོས་ཀྱི་གྲགས་པས་མཛད་པ་ལ་ཚད་མ་རྣམ་འགྲེལ་དགེ་བློ་དང་རྔོག་དང་ཀུན་དགའ་རྒྱལ་མཚན་གྱི་འགྱུར། ཚད་མ་རྣམ་ངེས་རྔོག་འགྱུར། རིགས་ཐིག་བམ་པོ་གཅིག་རྔོག་འགྱུར། གཏན་ཚིགས་ཐིགས་པ་ཤུ་ལོག་ཉིས་བརྒྱ་པ་དཔལ་བརྩེགས་ཀྱི་འགྱུར། འབྲེལ་བ་བརྟག་པ་བནྡྷེ་ནམ་མཁའ་དང་ཏིང་ངེ་འཛིན་བཟང་པོའི་འགྱུར། རྒྱུད་གཞན་གྲུབ་པ་ཤུ་ལོག་བརྒྱ་དཔལ་བརྩེགས་ཀྱི་འགྱུར། རྩོད་པའི་རིགས་པ་དགེ་བའི་བློ་གྲོས་དང་ཤོང་གི་འགྱུར། རྣམ་འགྲེལ་ལེའུ་དང་པོའི་རང་འགྲེལ་སྟོང་ཕྲག་ཕྱེད་དང་བཞི་པ་དང་། རྣམ་འགྲེལ་ལེའུ་

ཕྱི་མ་གསུམ་གྱི་འགྲེལ་པ་སློབ་དཔོན་ལྷ་དབང་བློས་མཛད་པ་དགེ་བློའི་འགྱུར། འདི་རང་འགྲེལ་དང་བསྡོམས་པ་ལ་ཚད་མ་སྟོང་ཕྲག་བཅུ་གཉིས་པ་ཟེར་རོ། །རང་འགྲེལ་དང་ལྷ་དབང་བློ་གཉིས་ཀའི་འགྲེལ་བཤད་སློབ་དཔོན་ཤཱཀྱ་བློས་མཛད་པ་དགེ་བློའི་འགྱུར། རྣམ་འགྲེལ་ལེའུ་ཕྱི་མ་གསུམ་གྱི་འགྲེལ་པ་སློབ་དཔོན་ཤེས་རབ་འབྱུང་གནས་སྦས་པས་མཛད་པ་རྣམ་འགྲེལ་གྱི་རྒྱན་བམ་པོ་དྲུག་ཅུ་རྔོག་འགྱུར། རྣམ་འགྲེལ་རྒྱན་གྱི་འགྲེལ་བཤད་སློབ་དཔོན་རྒྱལ་བ་ཅན་གྱིས་མཛད་པ་བམ་པོ་དྲུག་ཅུ་པ་བྱང་ཆུབ་ཤེས་རབ་ཀྱི་འགྱུར། རྣམ་འགྲེལ་རྒྱན་གྱི་ལེའུ་དང་པོའི་འགྲེལ་བཤད་སློབ་དཔོན་ཛ་མ་རིས་མཛད་པ་ཡོངས་སུ་དག་པ་དང་རྣམ་འགྲེལ་ལེའུ་གཉིས་པ་དང་གསུམ་པའི་འགྲེལ་པ་སློབ་དཔོན་ཉི་མ་སྦས་པས་མཛད་པ་དང་། ཚད་མ་རྣམ་འགྲེལ་གྱི་འགྲེལ་བཤད་བྲམ་ཟེ་བདེ་བྱེད་དགའ་བས་མཛད་པ་རྣམ་འགྲེལ་གྱི་རྗེས་སུ་འབྲངས་བ་ཡིན་ཟེར་བ་ཅུང་ཟད་མ་ཚང་བ། ཚད་མ་རྣམ་ངེས་ཀྱི་ཊཱིཀ་འཐད་ལྡན་སློབ་དཔོན་ཆོས་མཆོག་གིས་མཛད་པ་ཤུ་ལོག་སྟོང་ཕྲག་བཅུ་གཉིས་དང་བཞི་བརྒྱ་དྲུག་ཅུ་རྩ་གསུམ་པ་རྔོག་འགྱུར། ཁ་ཆེ་ཛྙཱ་ན་ཤྲཱིས་མཛད་པའི་རྣམ་ངེས་ཀྱི་ཊཱིཀ་ཆོས་ཀྱི་བརྩོན་འགྲུས་ཀྱི་འགྱུར། རིགས་ཐིགས་ཀྱི་རྒྱ་ཆེར་འགྲེལ་པ་སློབ་དཔོན་ཆོས་མཆོག་གིས་མཛད་པ་བམ་པོ་ལྔ་ཆོས་ཀྱི་སྣང་བ་དང་བློ་ལྡན་ཤེས་རབ་གྱི་འགྱུར། སློབ་དཔོན་དུལ་ལྷས་མཛད་པའི་རིགས་ཐིགས་ཀྱི་འགྲེལ་པ་སློབ་མ་ལ་ཕན་པ་བམ་པོ་གསུམ་ཡེ་ཤེས་སྡེའི་འགྱུར། སློབ་དཔོན་ཀ་མ་ལ་ཤཱི་ལས་མཛད་པའི་རིགས་པའི་ཐིགས་པའི་ཕྱོགས་སྔ་མ་ཤུ་ལོག་བརྒྱ་དང་། གཏན་ཚིགས་ཐིགས་པའི་རྒྱ་ཆེར་འགྲེལ་པ་སློབ་དཔོན་དུལ་ལྷས་མཛད་པ་བམ་པོ་བཅུ་གཉིས་དཔལ་བརྩེགས་ཀྱི་འགྱུར། བྲམ་ཟེ་ཨཙྪ་ཊས་མཛད་པའི་གཏན་ཚིགས་ཐིགས་པའི་རྒྱ་ཆེར་འགྲེལ་པ། འབྲེལ་པ་བརྟག་པའི་རང་འགྲེལ། འབྲེལ་བརྟག་གི་རྒྱ་ཆེར་འགྲེལ་པ་སློབ་དཔོན་དུལ་བ་ལྷས་མཛད་

༄༅།        །པ་བནྡེ་ནམ་མཁའི་འགྱུར། རྒྱུད་གཞན་གྲུབ་པའི་འགྲེལ་བཤད་སློབ་དཔོན་དུལ་ལྷས་མཛད་པ་བམ་པོ་གཅིག་དང་ཤུ་ལོག་བརྒྱ་ལྔ་བཅུ་རྩ་ལྔ་པ་དཔལ་བརྩེགས་ཀྱི་འགྱུར། རྩོད་རིགས་ཀྱི་འགྲེལ་པ་སློབ་དཔོན་དུལ་ལྷས་མཛད་པའི་སྟོད། སློབ་དཔོན་ཞི་བ་འཚོས་མཛད་པའི་རྩོད་རིགས་ཀྱི་འགྲེལ་པ་ཟངས་དཀར་དང་འབྲོ་སེང་དཀར་གྱི་འགྱུར། དམིགས་པ་བརྟག་པའི་འགྲེལ་བཤད་བམ་པོ་གཅིག་དཔལ་བརྩེགས་ཀྱི་འགྱུར། སློབ་དཔོན་ཆོས་མཆོག་གིས་མཛད་པའི་ཚད་མ་བརྟག་པ་ཆེ་ཆུང་གཉིས་རྔོག་འགྱུར། བྲམ་ཟེ་བདེ་བྱེད་དགའ་བའི་འབྲེལ་བ་བརྟག་པའི་རྗེས་འབྲང་གཟུ་དགའ་བ་རྡོ་རྗེའི་འགྱུར། སློབ་དཔོན་དགེ་སྲུང་གིས་མཛད་པའི་ཕྱི་རོལ་དོན་གྲུབ་བམ་པོ་གཅིག་དཔལ་བརྩེགས་ཀྱི་འགྱུར། ཐམས་ཅད་མཁྱེན་པ་གྲུབ་པ་ཤུ་ལོག་ཉིས་བརྒྱ་ལྔ་བཅུ། སློབ་དཔོན་ཆོས་མཆོག་གིས་མཛད་པའི་སྐད་ཅིག་འཇིག་པ་གྲུབ་པ། གཞན་སེལ་གྲུབ་པ་གཉིས་རྔོག་འགྱུར། སྐད་ཅིག་འཇིག་པ་གྲུབ་པའི་འགྲེལ་པ་བྲམ་ཟེ་མུ་ཏིག་བུམ་པས་མཛད་པ་གྲགས་འབྱོར་ཤེས་རབ་ཀྱི་འགྱུར། བྲམ་ཟེའི་གཞན་སེལ་གྲུབ་པ་དང་འབྲེལ་པ་གྲུབ་པ་གཉིས་རྔོག་འགྱུར། སློབ་དཔོན་ཆོས་མཆོག་གིས་མཛད་པའི་འཇིག་རྟེན་ཕ་རོལ་གྲུབ་པ་ཤུ་ལོག་བརྒྱ་ལྔ་བཅུ། སློབ་དཔོན་ཤཱནྟི་པས་མཛད་པའི་ནང་གི་ཁྱབ་པ་དང་། ཛྙཱ་ན་ཤྲཱིས་མཛད་པའི་རྒྱུ་འབྲས་གྲུབ་པ་གཉིས་ཤཱཀྱ་འོད་ཀྱི་འགྱུར། སློབ་དཔོན་ཙནྡྲ་གོ་མིས་མཛད་པའི་རིགས་པ་གྲུབ་པའི་སྒྲོན་མ་བཻ་རོ་ཙ་ནའི་འགྱུར། སློབ་དཔོན་ཛཻ་ཏཱ་རིས་མཛད་པ་ལ། བྱིས་པ་འཇུག་པའི་ཚད་མ་སུམ་ཅུ་པ་དཔལ་མཆོག་རྡོ་རྗེའི་འགྱུར། ཆོས་དང་ཆོས་ཅན་གཏན་ལ་དབབ་པ། གཏན་ཚིགས་ཀྱི་དེ་ཁོ་ན་ཉིད་བསྟན་པ་ཤཱཀྱ་འོད་ཀྱི་འགྱུར། པཎྜི་ཏ་ཛི་ན་མི་ཏྲས་བྱས་པའི་རིགས་པའི་ཐིགས་པའི་དོན་བསྡུས་པ་ཡེ་ཤེས་སྡེའི་འགྱུར། སློབ་དཔོན་དགེ་སྲུང་གིས་མཛད་པ་ལ། ཐོས་པ་བརྟག་པ་བམ་པོ་གཅིག །

གཞན་སེལ་བརྟག་པ། དབང་ཕྱུག་འཇིག་པ་གྲུབ་པ་ཤུ་ལོག་དྲུག་ཅུ་རྩ་དགུ། བྲམ་ཟེ་རིན་ཆེན་རྡོ་རྗེས་མཛད་པའི་རིགས་པའི་སྦྱོར་བ་ཏིང་ངེ་འཛིན་བཟང་པོའི་འགྱུར། སློབ་དཔོན་ཤཱནྟི་པས་མཛད་པའི་རྣམ་རིག་གྲུབ་པ་ཤཱཀྱ་འོད་དང་ཤེས་རབ་བརྩེགས་ཀྱི་འགྱུར། སློབ་དཔོན་ཞི་བ་འཚོས་མཛད་པའི་ཚད་མའི་དེ་ཁོ་ན་ཉིད་བསྡུས་པ་ལྷ་བླ་མ་ཞི་བ་འོད་ཀྱི་འགྱུར། དེའི་འགྲེལ་པ་སློབ་དཔོན་ཀ་མ་ལ་ཤཱི་ལས་མཛད་པ་སྟོང་ཕྲག་བཅོ་བརྒྱད་པ་གྲགས་འབྱོར་ཤེས་རབ་ཀྱི་འགྱུར། པཎྜི་ཏ་རྒྱལ་དབང་བློས་མཛད་པའི་ཚད་མ་ཀུན་ལས་བཏུས་ཀྱི་འགྲེལ་པ་སྟོང་ཕྲག་དགུ་པ་དཔང་བློ་བརྟན་གྱི་འགྱུར། འདི་མ་(བསྟན་འགྱུར་དུ་)ཚུད་དྲུག་ཅུ་རྩ་གཅིག་གོ །འདིར་ལས་དང་འབྲས་བུའི་འབྲེལ་པ་བརྟག་པ་བམ་པོ་གཉིས། དེའི་འགྲེལ་པ་བམ་པོ་གསུམ། རིགས་པའི་ཐིགས་པའི་ཕྱོགས་སྔ་མ་བསྡུས་པ་ཤུ་ལོག་བརྒྱ་ལྔ་བཅུ། ཐམས་ཅད་མཁྱེན་པ་གྲུབ་པ་ཤུ་ལོག་ལྔ་བཅུ། བདག་མེད་པ་གྲུབ་པ་ཤུ་ལོག་བདུན་ཅུ་རྩ་གཅིག །འཇིག་རྟེན་ཕ་རོལ་གྲུབ་པའི་འགྲེལ་པ་བམ་པོ་གཅིག །དེ་བཞིན་གཤེགས་པ་བརྟག་པ་གྲུབ་པ་ཤུ་ལོག་ཉི་ཤུ་རྩ་གཅིག་པ། སྤྱི་ཐ་དད་མེད་པ་དགག་པ་ཤུ་ལོག་ཉི་ཤུ་རྩ་གཅིག །སྤྱི་ཐ་དད་པ་དགག་པ་ཤུ་ལོག་བཞི་བཅུ་རྩ་གཉིས། དབུ་མ་བརྟག་པ་ཤུ་ལོག་ཉི་ཤུ་རྩ་གཉིས་དེ་རྣམས་བཙལ་བར་བྱའོ། །དེ་དག་བཀའ་སྤྱིའི་དོན་གྱི་ཆ་གསལ་བྱེད་དུ་གྲགས་སོ། །སྒྲའི་བསྟན་བཅོས་ལ་ཚིག་གི་ཆ་གསལ་བྱེད་དུ་གྲགས་པས་དེའི་བསྟན་བཅོས་ལ་སློབ་དཔོན་ཙནྡྲ་གོ་མིས་མཛད་པ་ལ། ལུང་དུ་སྟོན་པ་ཙནྡྲ་པའི་མདོ་ཉེར་བསྒྱུར་ཉི་ཤུ་པ་རྩ་འགྲེལ། ཡི་གེའི་མདོ། མདོ་དེའི་འགྲེལ་པ་སློབ་དཔོན་ཆོས་སྐྱོང་གིས་མཛད་པ་རྣམས་ཉི་མ་རྒྱལ་མཚན་གྱི་འགྱུར། པཎྜི་ཏ་སརྦ་ཝརྨས་མཛད་པའི་སྒྲའི་བསྟན་བཅོས་ཀཱ་ལ་པའི་མདོ། དེའི་འགྲེལ་པ་སློབ་དཔོན་བགྲོད་དཀའ་སེང་གེས་མཛད་པའི་སྟོད་གཉིས་གྲགས་པ་རྒྱལ་མཚན་གྱི་འགྱུར། སྦྱོར་བའི་སྒོ་རྩ་འགྲེལ། ལྡོག་

༄༅།        །པ་བསྡུས་པ་རྩ་འགྲེལ། སློབ་དཔོན་སུ་བྷ་ཥ་ཀིརྟིས་མཛད་པའི་སྨྲ་བ་ཀུན་ལ་འཇུག་པའི་རྩ་འགྲེལ། སློབ་དཔོན་སེང་གེ་བཟང་པོས་མཛད་པའི་རྣམ་དབྱེའི་ལེའུར་བྱས་པ་ཤོང་སྟོན་གྱི་འགྱུར། སློབ་དཔོན་ཙང་ག་དཱ་པས་མཛད་པའི་འབྲེལ་བ་མདོར་བསྟན་དཔང་བློ་བརྟན་གྱི་འགྱུར། སྨྲྀ་ཏི་ཛྙཱ་ན་ཀིརྟིས་མཛད་པའི་སྨྲ་བའི་སྒོ་མཚོན་ཆ་ལྟ་བུ་རང་འགྱུར། སྒྲའི་ཡན་ལག་ལྟ་བུར་གྱུར་པ་ལ་པཎྜི་ཏ་འཆི་མེད་སེང་གེས་མཛད་པའི་མངོན་བརྗོད་ཀྱི་བསྟན་བཅོས་འཆི་མེད་མཛོད་དང་། དེའི་འགྲེལ་པ་པཎྜི་ཏ་རབ་འབྱོར་ཟླ་བས་མཛད་པའི་འདོད་འཇོའི་བ་མོ་བསྒྱུར་འཕྲོ་དང་གཉིས་གྲགས་པ་རྒྱལ་མཚན་གྱི་འགྱུར། སྙན་དངགས་ཀྱི་བསྟན་བཅོས་པཎྜི་ཏ་དབྱུག་པ་ཅན་གྱིས་མཛད་པ་སྙན་ངག་གི་མེ་ལོང་ཤོང་སྟོན་གྱི་འགྱུར། སྡེབ་སྦྱོར་གྱི་བསྟན་བཅོས་རིན་ཆེན་འབྱུང་གནས་ཞི་བས་མཛད་པའི་སྡེབ་སྦྱོར་རིན་ཆེན་འབྱུང་གནས་ར་ས་གཞོན་བརྩོན་དང་གྲགས་པ་རྒྱལ་མཚན་གྱི་འགྱུར་ཏེ། བཅུ་དགུའོ། །འདི་དག་བཀའི་དགོངས་འགྲེལ་དུ་སྨྲ་བ་མང་མོད་ཀྱི་ཁོ་བོ་ནི་དེར་མི་བསམ་མོ། །