(༣༽. རྣལ་འབྱོར་གྱི་རྒྱུད།)

གསུམ་པ་རྣལ་འབྱོར་གྱི་རྒྱུད་ནི། རྩ་བའི་རྒྱུད་དཔལ་དེ་ཉིད་བསྡུས་པ་རྒྱུད་ཕྱི་མ་དང་བཅས་པ་བམ་པོ་དགུ་རིན་ཆེན་བཟང་པོའི་འགྱུར། བཤད་པའི་རྒྱུད་རྡོ་རྗེ་རྩེ་མོ་གཞོན་ནུ་ཚུལ་ཁྲིམས་ཀྱི་འགྱུར། འཇིག་རྟེན་གསུམ་ལས་རྣམ་པར་རྒྱལ་བའི་རྒྱུད་བམ་པོ་གཉིས། ངན་སོང་སྦྱོང་རྒྱུད་བམ་པོ་གཉིས་རྒྱལ་བ་འཚོ་དང་རིན་ཆེན་མཆོག་གི་འགྱུར། སྦྱོང་རྒྱུད་ཀྱི་བརྟག་པ་ཕྱོགས་གཅིག་པ་ཆག་ཆོས་རྗེ་དཔལ་གྱི་འགྱུར། དཔལ་མཆོག་དང་པོའི་རྒྱུད་དུམ་བུ་བཞི་ཧོར་ཁུང་བསབ་པ་དང་བཅས་པ་རིན་ཆེན་བཟང་པོ་དང་ལྷ་བླ་མ་ཞི་བ་འོད་ཀྱི་འགྱུར་ཏེ། ཇི་སྐད་དུ། ལོ་ཙཱ་ཆེན་པོ་རིན་ཆེན་བཟང་པོ་ཡིས། །དཔལ་མཆོག་དང་པོའི་རྒྱུད་འདི་བསྒྱུར་བ་ལ། །བར་བར་དཔེ་མ་རྙེད་པར་མ་འགྱུར་ནས། །བདག་གིས་འབད་པས་དཔེ་བཙལ་རྙེད་པས་བསྒྱུར། །ཅེས་འབྱུང་ངོ་། །རྡོ་རྗེ་སྙིང་པོ་རྒྱན་གྱི་རྒྱུད་ཅུང་མ་ཚང་བ། སྐུ་གསུང་ཐུགས་ཀྱི་གསང་བ་རྒྱན་གྱི་བཀོད་པ། གསང་བ་ནོར་བུའི་ཐིག་ལེ་རྣམས་ཀུན་དགའ་རྒྱལ་མཚན་དཔལ་བཟང་པོའི་འགྱུར། རིག་པ་མཆོག་གི་རྒྱུད་སམྦུ་ཊ་ཀ་ཏིལ་ཀཾ། །འཇམ་དཔལ་རྒྱུ་དྲ་གཉིས། འདིར་མགོན་

པོ་ཀུན་སྣང་བཙལ་ལོ། །