(༤. རྣལ་འབྱོར་ཆེན་པོའི་རྒྱུད་ཀྱི་དགོངས་འགྲེལ།)

བཞི་པ་རྣལ་འབྱོར་ཆེན་པོའི་རྒྱུད་དང་འབྲེལ་བའི་ཐབས་རྒྱུད་ཀྱི་སྐོར་ལ། གསང་བ་འདུས་པའི་རྒྱུད་ཀྱི་འགྲེལ་པ་སློབ་དཔོན་ཀླུ་སྒྲུབ་ཀྱིས་མཛད་པ་མནྟྲ་ཀ་ལ་ཤའི་རང་འགྱུར། སྒྲུབ་ཐམས་མདོར་བྱས། མདོ་བསྲེ། དཀྱིལ་འཁོར་ཆོ་ག་ཉི་ཤུ་པ་དང་གསུམ་རིན་ཆེན་བཟང་པོའི་འགྱུར། གསང་འདུས་ལེའུ་བཅོ་བརྒྱད་པའི་འགྲེལ་པ་གཞོན་ནུ་བུམ་པའི་རང་འགྱུར། རིམ་ལྔ་རིན་ཆེན་བཟང་པོའི་འགྱུར། བྱང་ཆུབ་སེམས་ཀྱི་འགྲེལ་པ་ཚིགས་བཅད་མ་པ་ཚབ་ཀྱི་འགྱུར། ལྷུག་པ་མདོ་སྡེ་འབར་གྱི་འགྱུར། བརྒྱད་པོ་འཕགས་པ་ཀླུ་སྒྲུབ་ཀྱིས་མཛད་དོ། །སློབ་དཔོན་འཕགས་པ་ལྷས་མཛད་པའི་སྤྱོད་པ་བསྡུས་པའི་སྒྲོན་མ་རིན་ཆེན་བཟང་པོའི་འགྱུར། དེའི་བཤད་པ་སློབ་དཔོན་ཤཱཀྱ་བཤེས་གཉེན་གྱིས་མཛད་པ། སློབ་དཔོན་ཀླུའི་བྱང་ཆུབ་ཀྱིས་མཛད་པའི་དཀྱིལ་ཆོག་པ་ཚབ་ཀྱི་འགྱུར། སློབ་དཔོན་འཕགས་པ་ལྷས་སེམས་ཀྱི་སྒྲིབ་སྦྱོང་ནག་ཚོའི་འགྱུར། བདག་བྱིན་གྱིས་བརླབ་པའི་རིམ་པ་དང་། མངོན་པར་བྱང་ཆུབ་པ་རིན་ཆེན་བཟང་པོའི་འགྱུར། ཡ་ར་ལ་ཝ་ལ་སོགས་པ་ཚུལ་བཞིར་བཤད་པ། གསང་བ་འདུས་པའི་རོ་སྲེག་གི་ཆོ་ག་རིན་ཆེན་བཟང་པོའི་འགྱུར། སློབ་དཔོན་སྒྲ་གཅན་འཛིན་དཔལ་བཤེས་གཉེན་གྱིས་མཛད་པའི་དཀྱིལ་འཁོར་ཆོ་ག་ཟུང་འཇུག་གསལ་བ་ས་ལོའི་འགྱུར། སློབ་དཔོན་ཀླུའི་བློས་མཛད་པའི་བསྐྱེད་རིམ་རྣམ་གཞག་རིམ་པ་རིན་ཆེན་བཟང་པོའི་འགྱུར། ལས་ཀྱི་མཐའ་རྣམ་པར་འབྱེད་པ་ཆོས་རྗེ་དཔལ་གྱི་འགྱུར། སློབ་དཔོན་སྒྲ་དབྱངས་བཅུ་གཅིག་པས་མཛད་པའི་རྡོ་རྗེ་འཆང་ཆེན་པོའི་ལམ་གྱི་རིམ་པ་རིན་ཆེན་བཟང་པོའི་འགྱུར། སློབ་དཔོན་ཀླུའི་བྱང་ཆུབ་ཀྱིས་མཛད་པའི་རིམ་

༄༅།        །ལྔའི་འགྲེལ་པ་ནོར་བུའི་ཕྲེང་བ་ནག་ཚོའི་འགྱུར། སློབ་དཔོན་ཀླུའི་བློས་མཛད་པའི་རིམ་པ་ལྔ་ཁོངས་སུ་བསྡུ་བ་པ་ཚབ་ཀྱི་འགྱུར། ནག་པོ་དམ་ཚིག་རྡོ་རྗེས་མཛད་པའི་རིམ་ལྔའི་དཀའ་འགྲེལ་ནག་ཚོའི་འགྱུར། སློབ་དཔོན་ཀླུའི་བྱང་ཆུབ་ཀྱིས་མཛད་པའི་རིམ་ལྔའི་དཀའ་འགྲེལ་དོན་གསལ་བ་འདི་ཐེ་ཚོམ་གྱི་གཞིའོ། །སློབ་དཔོན་བྷ་བྱ་ཀཱིརྟིས་(སྐལ་ལྡན་གྲགས་པ།)མཛད་པའི་རིམ་ལྔའི་དཀའ་འགྲེལ་ཤཱཀྱ་བརྩོན་འགྲུས་ཀྱི་འགྱུར། སློབ་དཔོན་ཨ་བྷྱ་ཀ་རས་མཛད་པའི་རིམ་ལྔའི་འགྲེལ་པ་ཟླ་བའི་འོད་ཟེར་བི་བྷུ་ཏི་ཙནྡྲའི་རང་འགྱུར། སློབ་དཔོན་བརྩོན་འགྲུས་བཟང་པོས་མཛད་པའི་རིམ་ལྔའི་དཀའ་འགྲེལ་དོན་གསལ་བ་ཤེས་རབ་བརྩོན་འགྲུས་ཀྱི་འགྱུར། སློབ་དཔོན་ཟླ་བ་གྲགས་པས་མཛད་པའི་གསང་འདུས་འགྲེལ་པ་སྒྲོན་མ་གསལ་བ་རིན་ཆེན་བཟང་པོའི་འགྱུར། རྡོ་རྗེ་སེམས་དཔའི་སྒྲུབ་ཐབས་གཞོན་ནུ་འབར་དང་བ་རིའི་འགྱུར། སློབ་དཔོན་ལེགས་ལྡན་བྱེད་ཀྱིས་མཛད་པའི་སྒྲོན་གསལ་གྱི་དཀའ་བའི་གནས་བཤད་པ་ཤཱཀྱ་བརྩོན་འགྲུས་ཀྱི་འགྱུར། སློབ་དཔོན་སྒག་པའི་རྡོ་རྗེས་མཛད་པའི་གསང་འདུས་གླེང་གཞིའི་བཤད་པ། བདེ་བ་ཆེན་པོའི་སྒྲུབ་ཐབས། སློབ་དཔོན་ནག་པོས་མཛད་པའི་གསང་འདུས་ཀྱི་དཀྱིལ་ཆོག་དང་རབ་གནས་གཉིས་འགོས་ཀྱི་འགྱུར། ཤྲདྡྷ་ཀ་ར་ཝཪྨས་མཛད་པའི་རྒྱན་བདུན་རྣམ་པར་དགྲོལ་བ་རིན་ཆེན་བཟང་པོའི་འགྱུར། ནག་པོ་པའི་རྡོ་རྗེ་སེམས་དཔའི་མཆོད་ཆོག་འགོས་འགྱུར། གསང་འདུས་གཏོར་ཆོག །སྒྲུབ་ཐབས་མདོར་བྱས་ཀྱི་འགྲེལ་པ་སློབ་དཔོན་ཤཱིནྟ་པས་མཛད་པའི་རིན་ཆེན་ཕྲེང་བ་ཀརྨ་བཛྲའི་རང་འགྱུར། སློབ་དཔོན་ཤྲདྡྷཱ་ཀ་རས་མཛད་པ་དགོངས་པ་ལུང་སྟོན་གྱི་རྡོ་རྗེ་བཟླས་པའི་འགྲེལ་པ་དང་། རྒྱུད་ཀྱི་དོན་ལ་འཇུག་པ་གཉིས་རིན་ཆེན་བཟང་པོའི་འགྱུར། སློབ་དཔོན་བྷ་བྱ་ཀིརྟིས་མཛད་པའི་སྒྲོན་གསལ་གྱི་ཊཱི་ཀ་དགོངས་པ་རབ་གསལ་སྟོང་ཕྲག་བཅུ་དང་དྲུག་པ་ཀུ་མཱ་རའི་རང་འགྱུར། སློབ་དཔོན་ཀུ་མཱ་རས་མཛད་པའི་སྒྲོན་མ་གསལ་བ་

མདོར་བཤད་པ་སྙིང་གི་མེ་ལོང་ཤཱཀྱ་བློ་གྲོས་ཀྱི་འགྱུར། སློབ་དཔོན་ཟླ་བ་གྲགས་པས་མཛད་པའི་གསང་བ་འདུས་པའི་མངོན་པར་རྟོགས་པ་རྒྱན་གྱི་འགྲེལ་པ་དང་། སྒྲོན་གསལ་གྱི་འགྲེལ་བཤད་སློབ་དཔོན་འཕགས་པ་ལྷས་མཛད་པ།(འདི་གཉིས་ཐེ་ཚོམ་གྱི་གཞིའོ། །) གསང་འདུས་ཀྱི་གཏོར་ཆོག་ཟ་ཧོར་གྱི་མཁས་པ་ཤཱནྟ་དེ་ཝས་མཛད་པ་འགོས་ཀྱི་འགྱུར་ཏེ་འདི་མ་ཆུད། གསང་འདུས་འགྲེལ་པ་སྨྲྀ་ཏིས་མཛད་པ་དེ་ཉིད་ཀྱི་རང་འགྱུར། ཡེ་ཤེས་ཞབས་ཀྱི་འཇམ་དཔལ་གྱི་ཞལ་གྱི་ལུང་ལྷ་ཡེ་ཤེས་རྒྱལ་མཚན་གྱི་འགྱུར། ཞལ་ལུང་ཆུང་ངུ་དང་། སྒྲུབ་ཐབས་ཀུན་བཟང་གཉིས་རིན་ཆེན་བཟང་པོའི་འགྱུར། ཀུན་ཏུ་བཟང་མོའི་སྒྲུབ་ཐབས་སྨྲྀ་ཏིའི་རང་འགྱུར། བདག་གྲུབ་པ་ལ་འཇུག་པ་འགོས་འགྱུར། གྲོལ་བའི་ཐིག་ལེ་ལྷ་ཡེ་ཤེས་རྒྱལ་མཚན་གྱི་འགྱུར། ཧེ་རུ་ཀའི་སྒྲུབ་ཐབས་ཏེ་བདུན་སློབ་དཔོན་སངས་རྒྱས་ཡེ་ཤེས་ཀྱིས་མཛད་དོ། །འཇམ་དཔལ་ཞལ་ལུང་གི་འགྲེལ་པ་སློབ་དཔོན་སྨན་པའི་ཞབས་ཀྱིས་མཛད་པ་མཛེས་པའི་མེ་ཏོག་ལྷ་ཡེ་ཤེས་རྒྱལ་མཚན་གྱི་འགྱུར། སྒྲུབ་ཐབས་ཀུན་བཟང་གི་འགྲེལ་པ་སློབ་དཔོན་དཔལ་འབྲས་རྡོ་རྗེ་དང་། ཐ་ག་ནས་མཛད་པ་གཉིས་རིན་ཆེན་བཟང་པོའི་འགྱུར། ཀུན་ཏུ་བཟང་པོའི་སྒྲུབ་ཐབས་ཀྱི་འགྲེལ་པ་སློབ་དཔོན་ཀུན་ཏུ་བཟང་པོས་མཛད་པའི་སྙིང་པོའི་སྙེ་མ་བློ་ལྡན་ཤེས་རབ་ཀྱི་འགྱུར། གྲོལ་བའི་ཐིག་ལེའི་འགྲེལ་པ་སྨན་ཞབས་ཀྱིས་མཛད་པ་དང་། དེས་མཛད་པའི་སྒྲུབ་ཐབས་དངོས་གྲུབ་འབྱུང་གཏེར་གཉིས་ལྷ་ཡེ་ཤེས་རྒྱལ་མཚན་གྱི་འགྱུར། སློབ་དཔོན་སྣང་མཛད་རྡོ་རྗེའི་སྦྱོར་བ་ཡན་ལག་དྲུག་གི་སྣང་བའི་རིམ་པ་གཡུང་དྲུང་འོད་ཀྱི་འགྱུར། ཧེ་རུ་ཀའི་སྒྲུབ་ཐབས་ཀྱི་འགྲེལ་བ། སློབ་དཔོན་མར་མེ་མཛད་བཟང་པོས་མཛད་པའི་དཀྱིལ་འཁོར་གྱི་ཆོ་ག་བཞི་བརྒྱ་ལྔ་བཅུ་བ་དང་། དེའི་འགྲེལ་པ་སློབ་དཔོན་དྲི་མེད་དཔལ་གྱིས་མཛད་པ་གཉིས་རིན་ཆེན་བཟང་པོའི་འགྱུར། སློབ་དཔོན་སྨན་པའི་བུ་རྒྱལ་པས་བྱིན་གྱིས་མཛད་པའི་གསང་བ་འདུས་པའི་དཀའ་འགྲེལ། སློབ་དཔོན་དྲི་མེད་སྦས་པས་མཛད་པའི་གསང་བ་འདུས་པའི་

༄༅།        །རྒྱན་ལེའུ་བཅུ་བདུན་གྱི་འགྲེལ་པ་དང་། དེའི་སློབ་མ་སློབ་དཔོན་ཟླ་འོད་ཀྱིས་མཛད་པའི་ལེའུ་བཅོ་བརྒྱད་པའི་འགྲེལ་པ་དང་། དཔལ་རྒྱན་པས་མཛད་པའི་དེ་ཉིད་བཅུ་པ་དང་གསུམ་དར་མ་གྲགས་ཀྱི་འགྱུར། སློབ་དཔོན་རབ་ཏུ་ཞི་བའི་ཡེ་ཤེས་ཀྱིས་མཛད་པའི་གསང་འདུས་ཀྱི་འགྲེལ་པ་སློབ་མ་ལ་ཕན་པ། སློབ་དཔོན་ཟླ་བའི་འོད་ཟེར་གྱིས་མཛད་པའི་རབ་ཏུ་གནས་པའི་ཆོ་ག་བསོད་ནམས་རྒྱལ་བའི་འགྱུར། སློབ་དཔོན་སྣང་བྱེད་ཟླ་བས་མཛད་པའི་ཨརྒའི་ཆོ་ག་སྙིང་པོ་བསྡུས་པ་དང་རབ་ཏུ་གནས་པའི་ཆོ་ག་ཡེ་ཤེས་སྣང་བ་དང་། དཔལ་ཏིང་ངེ་འཛིན་རྡོ་རྗེས་མཛད་པའི་དུས་ཐ་མའི་ཆོ་གའི་གཤིན་པོ་བདེ་བར་གཤེགས་པའི་གནས་ལ་འགོད་པ་དང་གསུམ་ཤེས་རབ་གྲགས་ཀྱི་འགྱུར། སློབ་དཔོན་ཤཱནྟི་པས་མཛད་པའི་གསང་འདུས་བཤད་སྦྱར་སྙིམ་པའི་མེ་ཏོག་འགོས་འགྱུར། སློབ་དཔོན་བི་ཤྭ་མི་ཏྲས་མཛད་པའི་ལེའུ་བཅོ་བརྒྱད་པའི་འགྲེལ་པ། སློབ་དཔོན་ཙི་ལུ་པས་མཛད་པའི་གསང་འདུས་འགྲེལ་པ་རིན་པོ་ཆེའི་ལྗོན་ཤིང་ལྷ་ཡེ་ཤེས་རྒྱལ་མཚན་གྱི་འགྱུར། གསང་འདུས་འགྲེལ་པ་སློབ་དཔོན་ཐ་ག་ནས་མཛད་པ་རིན་ཆེན་བཟང་པོའི་འགྱུར། སློབ་དཔོན་རྡོ་རྗེ་བཞད་པས་མཛད་པའི་གསང་འདུས་ལེའུ་བཅུ་བདུན་གྱི་འགྲེལ་པ་བཻ་རོ་ཙ་ནའི་འགྱུར། གསང་འདུས་རྒྱུད་ཕྱི་མ་དང་བཅས་པའི་འགྲེལ་པ། སློབ་དཔོན་ཀུན་དགའ་སྙིང་པོས་མཛད་པའི་གསང་འདུས་དཀའ་འགྲེལ་རིན་ཆེན་བཟང་པོའི་འགྱུར། འགྲེལ་ཆེན་ཕྲ་རིང་གི་རང་འགྱུར་དུ་གྲགས་པ། ལྷ་མོ་བཞིས་ཞུས་ཀྱི་འགྲེལ་པ་སློབ་དཔོན་ཡེ་ཤེས་སྙིང་པོས་མཛད་པ་སྨྲྀ་ཏིའི་རང་འགྱུར། ཀུན་ཏུ་བཟང་པོའི་སྦྱིན་སྲེག་གི་ཆོ་ག །མར་མེ་མཛད་ཡེ་ཤེས་ཀྱིས་མཛད་པའི་གསང་འདུས་སྒྲུབ་ཐབས་རིན་ཆེན་བཟང་པོའི་འགྱུར། དེའི་རྣམ་བཤད་ཀུན་ཏུ་བཟང་པོས་མཛད་པ་སུ་ག་ཏའི་རང་འགྱུར། སློབ་དཔོན་བསོད་སྙོམས་པས་མཛད་པའི་གསང་འདུས་ཀྱི་དཀྱིལ་ཆོག་དང་སྒྲུབ་ཐབས་དང་ཁ་ཆེ་རིན་ཆེན་རྡོ་རྗེས་མཛད་པའི་མི་བསྐྱོད་རྡོ་རྗེའི་སྒྲུབ་ཐབས་

རྣམས་རིན་ཆེན་བཟང་པོའི་འགྱུར། སློབ་དཔོན་ངག་གི་དབང་ཕྱུག་གྲགས་པས་མཛད་པའི་གསང་འདུས་ཀྱི་དཀྱིལ་ཆོག་མདོར་བསྡུས་ཆོས་ཀྱི་དབང་ཕྱུག་གི་འགྱུར། སློབ་དཔོན་རྒྱལ་བས་བྱིན་གྱིས་མཛད་པ་དཔལ་དགའ་བའི་སྒྲུབ་ཐབས། སུ་ནྱ་ཤྲཱིས་མཛད་པའི་འཇམ་པའི་རྡོ་རྗེའི་སྒྲུབ་ཐབས་གཞོན་ནུ་འབར་གྱི་འགྱུར། གསང་འདུས་མི་བསྐྱོད་པའི་སྒྲུབ་ཐབས་སྨྲྀ་ཏིའི་རང་འགྱུར། དཔལ་དགའ་བའི་རྡོ་རྗེའི་དབང་རབ་བྱེད་བ་རིའི་འགྱུར། སློབ་དཔོན་ངག་གི་དབང་ཕྱུག་གྲགས་པས་མཛད་པའི་ཡན་ལག་བདུན་ལྡན་དེ་ཁོ་ན་ཉིད་རིན་པོ་ཆེ་སྣང་བ་རྩ་འགྲེལ་འགོས་འགྱུར། སློབ་དཔོན་འཕགས་པ་ལྷས་མཛད་པའི་དུག་ལྔ་སྦས་པའི་ལམ་མཆོག་ཏུ་གསང་བ་བསམ་གྱིས་མི་ཁྱབ་པ། རྡོ་རྗེ་སེམས་དཔའི་སྒྲུབ་ཐབས་ཨིནྡྲ་བྷུ་ཏིས་མཛད་པ། དཔལ་བདེ་མཆོག་ཆེན་པོ་རྡོ་རྗེ་སེམས་དཔའི་སྒྲུབ་ཐབས། སློབ་དཔོན་ཐུ་བོ་རཱ་ཛ་ཧ་ཏིས་མཛད་པ་རྡོ་རྗེ་སེམས་དཔའ་རྗེས་སུ་དྲན་པའི་ཆོ་ག །སློབ་དཔོན་རབ་འཇིགས་རྡོ་རྗེས་མཛད་པའི་སྦྱིན་སྲེག་གི་ཆོ་ག་རིན་ཆེན་བཟང་པོའི་འགྱུར། སློབ་དཔོན་རཏྣ་ཀཱིརྟིས་མཛད་པའི་བསྟན་པའི་ནོར་ཐམས་ཅད་པའི་སྒྲུབ་ཐབས། རྡོ་རྗེ་སེམས་དཔའི་གསང་དོན། རྣམ་པར་སྣང་མཛད་ཀྱི་གསང་དོན། ཧེ་རུ་ཀའི་གསང་དོན། པདྨ་གར་དབང་གི་གསང་དོན། རིན་ཆེན་ཉི་མའི་གསང་དོན། རྟ་མཆོག་རོལ་པའི་གསང་དོན་རྣམ་པར་དགོད་པ་རྣམས་སློབ་དཔོན་ཀུ་ཀུ་རཱ་ཛས་མཛད་པར་གྲགས་པ་ལྷ་རིན་པོ་ཆེའི་འགྱུར། སྨྲྀ་ཏིས་མཛད་པའི་ལྷ་མོ་བཞིས་ཞུས་ཀྱི་འགྲེལ་པ་དེའི་རང་འགྱུར། གསང་འདུས་ལེའུ་བཅོ་བརྒྱད་པའི་འགྲེལ་པ་ཡང་དག་རིག་བྱེད་སློབ་དཔོན་སྨན་པའི་ཞབས་ཀྱིས་མཛད་པ་ལྷ་ཡེ་ཤེས་རྒྱལ་མཚན་གྱི་འགྱུར། སྦྱོར་བ་ཡན་ལག་དྲུག་པའི་འགྲེལ་པ་སློབ་དཔོན་ཟླ་བ་གྲགས་པས་མཛད་པ་རིན་ཆེན་བཟང་པོའི་འགྱུར། སངས་རྒྱས་ཡེ་ཤེས་ཞབས་ཀྱི་སྦྱོར་བ་ཡན་ལག་དྲུག་གི་འགྲེལ་པ་སྨྲྀ་ཏིས་མཛད་པ། ཡེ་ཤེས་ཞབས་ལུགས་སྦྱོར་བ་ཡན་ལག་དྲུག་པ། སློབ་དཔོན་མི་གནས་རྡོ་རྗེས་མཛད་པའི་གསང་

༄༅།        །འདུས་ལྷ་སུམ་ཅུ་རྩ་གཉིས་ཀྱི་བསྟོད་པ་རིན་ཆེན་བཟང་པོའི་འགྱུར། གསང་བ་འདུས་པའི་བསྟོད་པ་མར་མེ་མཛད་ཡེ་ཤེས་ཀྱིས་མཛད་པ་རིན་ཆེན་བཟང་པོའི་འགྱུར། སློབ་དཔོན་དགའ་བའི་རྡོ་རྗེས་མཛད་པའི་དབང་གི་བྱ་བ་མདོར་བསྡུས་པ་ལ་མཻ་ཏྲི་པས་བཞི་པ་བཏགས་པ་མཚུར་གྱི་འགྱུར། དབང་དར་གཏད་པ་མདོར་བསྡུས་པ་སྟེ་བརྒྱ་དང་བཅུ་བཞིའོ། །ཕྱི་མ་གཉིས་མ་ཆུད་དོ། །སློབ་དཔོན་སངས་རྒྱས་ཡེ་ཤེས་ཀྱིས་མཛད་པའི་ཡན་ལག་བཞི་པའི་སྒྲུབ་ཐབས་དང་། དེའི་འགྲེལ་པ་གནས་ལྡན་དང་། ཀུན་ཏུ་བཟང་པོས་སྦྱར་བ་དང་གསུམ་རྔོག་འགྱུར་མ་རྙེད་དོ། །

གཤིན་རྗེ་གཤེད་ཀྱི་སྐོར་ལ། སློབ་དཔོན་དཔལ་འཛིན་གྱིས་མཛད་པའི་ཕྱོགས་ལ། དགྲ་ནག་གི་རྒྱུད་ཀྱི་འགྲེལ་པ་ལྷན་ཅིག་སྐྱེས་པའི་སྣང་བ། དགྲ་ནག་གི་སྒྲུབ་ཐབས། དགྲ་ནག་གི་དཀྱིལ་ཆོག །དེ་གསུམ་ནག་ཚོའི་འགྱུར། གཤིན་རྗེ་གཤེད་ནག་པོའི་སྒྲུབ་ཐབས་ཚིག་གི་སྣང་བ་གྲུབ་པ། གཤེད་དམར་གྱི་སྒྲུབ་ཐབས། དཀྱིལ་ཆོག་གཉིས་ཆོས་རྗེ་དཔལ་གྱི་འགྱུར། གཤེད་དམར་གྱི་ཏིང་ངེ་འཛིན་གྱི་ཆོ་ག་དཱ་ན་ཤཱི་ལའི་རང་འགྱུར། གཤིན་རྗེ་གཤེད་ནག་པོ་དང་དམར་པོའི་མཆོད་ཆོག །གཤེད་དམར་སྒྲུབ་ཐབས། གཤིན་རྗེ་གཤེད་དམར་གྱི་མཎྜལ་གྱི་ཆོ་ག །མཆོད་པའི་ཆོ་ག་རྣམས་ཉི་མ་རྒྱལ་མཚན་གྱི་འགྱུར། གཏོར་མའི་ཆོ་ག་ཆོས་རྗེ་དཔལ་གྱི་འགྱུར། འཇམ་པའི་རྡོ་རྗེའི་མཆོད་ཆོག་བི་བྷུ་ཏིའི་རང་འགྱུར། རང་བྱིན་གྱིས་བརླབ་པའི་མན་ངག་གློ་བོ་ལོ་ཙཱའི་འགྱུར། དེ་རྣམས་དཔལ་འཛིན་གྱིས་མཛད་དོ། །སློབ་དཔོན་ཤཱནྟི་བས་མཛད་པའི་དགྲ་ནག་གི་འགྲེལ་པ་རིན་ཆེན་སྒྲོན་མ་ཆོས་ཀྱི་ཤེས་རབ་ཀྱི་འགྱུར། སློབ་དཔོན་ལི་ལ་བཛྲས་མཛད་པའི་དཀྱིལ་འཁོར་གྱི་ཆོ་ག་གཤིན་རྗེ་གཤེད་འབྱུང་བ་ཅོག་གྲུ་ཤེས་རབ་བླ་མའི་འགྱུར། ལི་ལ་བཛྲས་མཛད་པའི་མཆོད་རྟེན་གྱི་ཆོ་ག་རྒྱས་པ་དང་། བསྡུས་བ་དང་། མར་མེ་མཛད་ཀྱིས་མཛད་པའི་སྲུང་འཁོར། དེ་ཝ་ཨཱ་ཀ་ར་ཙནྡྲས་མཛད་པའི་རིམ་པ་

བཞིའི་བྱེ་བྲག་བསྟན་པའི་མན་ངག །ཀླུའི་བྱང་ཆུབ་ཀྱིས་མཛད་པའི་རོ་སྲེག་གི་ཆོ་ག །འཁྲུལ་འཁོར་གྱི་ཆོ་ག །ཨ་མོ་གྷ་བཛྲས་མཛད་པའི་ཚིགས་སུ་བཅད་པ་བཅུ་པ་དང་། ཞི་བའི་སྦྱིན་སྲེག །རྒྱས་པའི་སྦྱིན་སྲེག་དང་། དྲག་པོའི་སྦྱིན་སྲེག་དང་། ལི་ལ་བཛྲས་མཛད་པའི་སྦས་པའི་སྤྱོད་པ་བསྡུས་པ་དང་། ལས་ཀྱི་རིམ་པའི་མན་ངག་དང་། རྣམ་པར་འཕེལ་བའི་མན་ངག་སྟེ་དེ་རྣམས་ཕལ་ཆེར་ཤེས་རབ་བླ་མའི་འགྱུར་ཡིན་ལ་བསྟན་འགྱུར་དུ་མ་ཚུད། དོན་ཡོད་ཞབས་ཀྱིས་མཛད་པའི་འཇམ་པའི་རྡོ་རྗེའི་དཀྱིལ་འཁོར་གྱི་ཆོ་ག་དང་། དཔལ་རྡོ་རྗེ་བློའི་གཤིན་རྗེ་གཤེད་ཁྲོ་བོ་ཆེན་པོའི་སྒྲུབ་ཐབས་འཁོར་ལོ་བྲི་བའི་ཆོ་ག །དོན་ཡོད་ཞབས་ཀྱི་འཇམ་དཔལ་གསང་བའི་རྒྱུད་ཀྱི་དཀྱིལ་ཆོ་ག །ཁྲོ་བོ་རྣམ་རྒྱལ་གྱི་སྦྱིན་སྲེག་གི་ཆོ་ག་དངོས་གྲུབ་ཀྱི་ཚུལ་ངེས་པར་བསྟན་པ། སློབ་དཔོན་ཤྲཱི་བི་རུ་པས་མཛད་པའི་གཤེད་དམར་སྒྲུབ་ཐབས་དཱ་ན་ཤཱི་ལའི་རང་འགྱུར། སློབ་དཔོན་བློ་གྲོས་བཟང་པོས་མཛད་པའི་ལྷ་ལྔའི་སྒྲུབ་ཐབས། རང་བྱིན་གྱིས་བརླབ་པ་ཆོས་རྗེ་དཔལ་གྱི་འགྱུར། འཁྲུལ་འཁོར་ཆོ་ག །འཁོར་ལོའི་དེ་ཁོ་ན་ཉིད་གསལ་བྱེད་དཱ་ན་ཤཱི་ལས་མཛད་པ་དེ་ཉིད་ཀྱི་རང་འགྱུར། རྣམ་པར་སྣང་མཛད་བསྲུང་བ་དང་། བིཪྺ་པས་མཛད་པའི་གཤེད་དམར་སྒྲུབ་ཐབས། བི་རུ་པས་མཛད་པའི་གཏོར་ཆོག །བིར་ཝ་པས་མཛད་པའི་འོད་གསལ་འཆར་བའི་རིམ་པ། སློབ་དཔོན་དཔའ་(བིཪྺ་པའི་མཚན་ཡིན།)བོ་རྒྱལ་པོས་མཛད་པའི་གཤེད་དམར་སྒྲུབ་ཐབས་ཏེ་ལྔ་ཆོས་རྗེ་དཔལ་གྱི་འགྱུར། བིཪྺ་པས་མཛད་པའི་གཤེད་དམར་གྱི་འཁྲུལ་འཁོར་གྱི་ཕྲེང་བ་དཱ་ན་ཤཱི་ལའི་རང་འགྱུར། བློ་བཟང་སྙིང་པོས་མཛད་པའི་གཤེད་དམར་སྒྲུབ་ཐབས་ཉི་མ་རྒྱལ་མཚན་གྱི་འགྱུར། སློབ་དཔོན་མི་བསྐྱོད་རྡོ་རྗེས་མཛད་པའི་རྡོ་རྗེ་འཇིགས་བྱེད་ཀྱི་དཀའ་འགྲེལ་ཆོས་ཀྱི་ཤེས་རབ་ཀྱི་འགྱུར། འཇིགས་བྱེད་ཀྱི་མདོར་བཤད། སློབ་དཔོན་གཞོན་ནུ་རྡོ་རྗེས་མཛད་པའི་འཇིགས་བྱེད་ཀྱི་དཀའ་འགྲེལ་བ་རིའི་འགྱུར། ཨ་མོ་གྷ་བཛྲས་མཛད་པའི་འཇིགས་བྱེད་ཀྱི་སྒྲུབ་ཐབས་དང་དཀྱིལ་ཆོག །ཤྲཱི་བྷ་

༄༅།        །དྲས་མཛད་པའི་སྦྱིན་སྲེག །ཤཱིནྟ་པས་མཛད་པའི་ཚོགས་འཁོར། སློབ་དཔོན་འཇམ་དཔལ་དབྱངས་ཀྱིས་མཛད་པའི་འཇིགས་བྱེད་ཕྱག་གཉིས་པའི་སྒྲུབ་ཐབས། ཚུ་ཚུན་དྷ་རའི་རྟོག་པ་སྟེ་དྲུག་རྭ་རྡོ་རྗེ་གྲགས་ཀྱི་འགྱུར། སློབ་དཔོན་ཤྲཱི་བྷ་དྲས་མཛད་པའི་འཇིགས་བྱེད་ཀྱི་སྒྲུབ་ཐབས་དང་། སྒྲུབ་ཐབས་མདོར་བསྡུས་པ་གཉིས། སློབ་དཔོན་ཞི་བའི་ཡེ་ཤེས་ཀྱིས་མཛད་པའི་འཇིགས་བྱེད་ཀྱི་བསྙེན་པའི་ཆོ་ག །གཤིན་རྗེ་གཤེད་ཀྱི་སྒྲུབ་པའི་ཆོ་ག །འཁོར་ལོ་བསྐོར་བའི་ལས་དྲག་པོའི་ཕྱོགས་གཅིག་པ། སློབ་དཔོན་འཇམ་དཔལ་ཡེ་ཤེས་ཀྱིས་མཛད་པའི་འཇིགས་བྱེད་ཀྱི་སྒྲུབ་ཐབས་དོན་ཡོད་རྡོ་རྗེའི་རང་འགྱུར། སློབ་དཔོན་ནག་པོ་ཞབས་ཀྱིས་མཛད་པའི་གཤིན་རྗེ་གཤེད་ནག་པོའི་རྒྱུད་ཀྱི་རྒྱ་ཆེར་འགྲེལ་པ་མངོན་པར་མཐོང་བ་ལམ་གྱི་སྒྲོན་མ་དང་། མཆོད་རྟེན་གྱི་ཆོ་ག །རོ་སྲེག་གི་ཆོ་ག །ཚོགས་འཁོར་གྱི་ཆོ་ག །མཆོད་པའི་ཆོ་གའི་རིམ་པ། གཤིན་རྗེ་གཤེད་ཀྱི་སྒྲུབ་ཐབས་ཏེ་དྲུག་ནག་པོ་པས་མཛད་ཅིང་པྲཛྙཱ་ཤྲཱི་ཛྙཱ་ནའི་རང་འགྱུར། རྡོ་རྗེ་འཇིགས་བྱེད་ཀྱི་སྒྲུབ་ཐབས་སློབ་དཔོན་ལ་ལི་ཏ་བཛྲས་མཛད་པ་ཅོག་གྲུ་ཤེས་རབ་བླ་མའི་འགྱུར། འཇིགས་བྱེད་དྲག་པོའི་སྦྱིན་སྲེག་གི་ཆོ་ག་ཨ་མོ་གྷ་བཛྲས་མཛད་པ། གཤིན་རྗེ་གཤེད་ནག་པོའི་འཁོར་ལོའི་ཆོ་ག །སློབ་དཔོན་བསོད་སྙོམས་པ་ཀ་མ་ལ་རཀྵི་ཏས་མཛད་པའི་གཤིན་རྗེ་གཤེད་ནག་པོའི་སྒྲུབ་ཐབས་ནག་ཚོའི་འགྱུར། སློབ་དཔོན་ཉིན་བྱེད་གྲགས་པས་མཛད་པའི་གཤིན་རྗེ་གཤེད་ནག་པོའི་སྒྲུབ་ཐབས་འགོས་འགྱུར། སློབ་དཔོན་གྷོ་ཥ་བཛྲས་མཛད་པའི་གཤིན་རྗེ་གཤེད་ནག་པོའི་སྒྲུབ་ཐབས་ཆག་འགྱུར། ཤྲཱི་པཎྜི་ཏས་མཛད་པའི་གཤིན་རྗེ་གཤེད་ནག་པོ་དུས་མཐར་ཕྱིན་པའི་སྒྲུབ་ཐབས་དང་། དཔལ་མར་མེ་མཛད་ཀྱིས་མཛད་པའི་གཤིན་རྗེ་གཤེད་ནག་པོའི་སྒྲུབ་ཐབས་དང་། གཤིན་རྗེ་གཤེད་རྣམ་པར་སྣང་མཛད་ཀྱི་སྒྲུབ་ཐབས་དང་། གཤིན་རྗེ་གཤེད་རིན་ཆེན་འབྱུང་ལྡན་གྱི་སྒྲུབ་ཐབས་དང་། མི་བསྐྱོད་པའི་སྙིང་པོ་འདོད་ཆགས་

གཤིན་རྗེ་གཤེད་ཀྱི་སྒྲུབ་ཐབས་དང་། གཤིན་རྗེ་གཤེད་རྡོ་རྗེ་རྣོན་པོའི་སྒྲུབ་ཐབས་དང་། རྡོ་རྗེ་སེམས་དཔའི་སྒྲུབ་ཐབས་དང་། ཐོ་བ་གཤིན་རྗེ་གཤེད་ཀྱི་སྒྲུབ་ཐབས་དང་། དབྱུག་པ་གཤིན་རྗེ་གཤེད་ཀྱི་སྒྲུབ་ཐབས། རལ་གྲི་གཤིན་རྗེ་གཤེད་ཀྱི་སྒྲུབ་ཐབས། པདྨ་གཤིན་རྗེ་གཤེད་ཀྱི་སྒྲུབ་ཐབས། རྡོ་རྗེ་མཁའ་འགྲོ་རྣལ་འབྱོར་མའི་སྒྲུབ་ཐབས་། རྡོ་རྗེ་བདེ་རྒྱས་དབྱངས་ཅན་མའི་སྒྲུབ་ཐབས། ལས་ཀྱི་རྡོ་རྗེ་གཽ་རཱི་མའི་སྒྲུབ་ཐབས། འཇམ་དཔལ་གཤིན་རྗེ་གཤེད་ནག་པོའི་སྒྲུབ་ཐབས་ཏེ་བཅུ་བཞི་མར་མེ་མཛད་ཀྱིས་བྱས་པ་དང་བཅོ་ལྔ་པོ་པྲ་ཛྙཱ་ཤྲཱི་ཛྙཱ་ནའི་རང་འགྱུར། ནག་པོ་པས་མཛད་པའི་མཆོད་རྟེན་གྱི་ཆོ་ག་ཉི་མ་རྒྱལ་མཚན་གྱི་འགྱུར། ཁྲོ་བོ་བཅུའི་གཏོར་མའི་ཆོ་ག་ལག་ལེན་དང་བཅས་པ། གཤིན་རྗེ་གཤེད་གདོང་དྲུག་པའི་སྒྲུབ་ཐབས་ཤེས་རབ་བླ་མའི་འགྱུར། སློབ་དཔོན་ཀླུའི་བྱང་ཆུབ་ཀྱིས་མཛད་པའི་གཤིན་རྗེ་གཤེད་དགྲ་ནག་པོའི་སྒྲུབ་ཐབས་གྲུབ་པའི་འཁོར་ལོ། །འཇམ་དཔལ་གྱི་རྟོག་པ་དམ་རྫས་གསང་བའི་རྨད་དུ་བསྒྱུར་ཏེ་བསྟེན་པའི་ཆོ་ག །གཤེད་དམར་གྱི་རྫོགས་རིམ་ཤིན་ཏུ་སྤྲོས་པ་མེད་པའི་དེ་ཁོ་ན་ཉིད་ཀྱི་མན་ངག་བིཪྺ་པས་མཛད་པ་གློ་བོ་ལོ་ཙཱ་བའི་འགྱུར། སློབ་དཔོན་མི་བསྐྱོད་རྡོ་རྗེས་མཛད་པའི་གཤིན་རྗེ་གཤེད་དགྲ་ནག་པོའི་སྒྲུབ་ཐབས་འཁོར་ལོའི་དོན་རྒྱས་པར་བཤད་པ་དང་བཅས་པ་ཆོས་ཀྱི་ཤེས་རབ་ཀྱི་འགྱུར། ཇོ་བོ་རྗེས་མཛད་པའི་གཤིན་རྗེ་གཤེད་ནག་པོའི་སྒྲུབ་ཐབས་ནག་ཚོའི་འགྱུར། སློབ་དཔོན་གཞོན་ནུ་ཟླ་བས་མཛད་པའི་དགྲ་ནག་གི་རྒྱུད་ཀྱི་འགྲེལ་པ་རིན་པོ་ཆེའི་ཕྲེང་བ། གཤིན་རྗེ་གཤེད་ཀྱི་སྒྲུབ་ཐབས་སློབ་དཔོན་མི་བསྐྱོད་རྡོ་རྗེས་མཛད་པ། གཤིན་རྗེ་གཤེད་ནག་པོའི་མཎྜལ་གྱི་ཆོ་ག །པཎྜི་ཏ་དོན་ཡོད་རྡོ་རྗེས་མཛད་པའི་འཇིགས་བྱེད་ཀྱི་བསྟོད་པ་ཤེས་རབ་བླ་མའི་འགྱུར། འཇིགས་བྱེད་ཀྱི་མཚན་ལ་བསྟོད་པ་སློབ་དཔོན་ལས་ཀྱི་རྒྱལ་པོས་མཛད་པ། འཇིགས་བྱེད་ཀྱི་བསྟོད་པ་གསུམ་སྟེ། སློབ་དཔོན་ཤཱནྟི་པས་མཛད་པའི་དགྲ་ནག་གི་སྒྲུབ་ཐབས་ཀུ་མུ་ཏ་ཁ་ཕྱེ་བ་ལྟ་བུ་

༄༅།         །འདི་མ་ཆུད། གཤིན་རྗེ་གཤེད་ཀྱི་སྐོར་བརྒྱ་རྩ་བཞིའོ། །

ཕྱག་ན་རྡོ་རྗེ་རྣལ་འབྱོར་ཆེན་པོ་ལྟར་བཤད་པ་ལ། འཁོར་ལོ་ཆེན་པོའི་སྐོར་ནི། རྒྱུད་ཀྱི་འགྲེལ་པ་བདུད་རྩི་མྱུ་གུ། སྒྲུབ་ཐབས་རྒྱས་པ་འཁོར་ལོ་ཆེན་པོ། འབྲིང་པོ་བདུད་རྩི་ཐིགས་པ། བསྡུས་པ་སྒྲུབ་ཐབས་མདོར་བསྡུས་ཏེ་འཇིག་རྟེན་ལས་འདས་པའི་སྒྲུབ་ཐབས་གསུམ། ཀླུ་རིགས་བཞིའི་སྒྲུབ་ཐབས། གནོད་སྦྱིན་གྱི་སྒྲུབ་ཐབས། བདུད་ཟློག་གི་སྒྲུབ་ཐབས་ཏེ་འཇིག་རྟེན་པའི་སྒྲུབ་ཐབས་གསུམ། སྦྱིན་སྲེག་གི་ཆོ་ག་ཞི་དྲག་གཉིས། བདུད་རྩི་འོ་མའི་མཆོད་པ། རྨི་ལྟས་རིམ་པ་དྲུག་བ། གཟུངས་ཀྱི་གཏོར་ཆོག །བདུད་རྩིས་བསད་པ་གསོ་བ། ཀླུ་ཁྲོ་བོས་བསད་པའི་འཕྲིན་ལས། ཀླུ་རིགས་བཞི་མནན་པའི་ཆོ་ག །དཀྱིལ་འཁོར་གྱི་ཆོ་ག །མཛེ་ནད་ཀྱི་མཚན་ཉིད། ཕྱག་ན་རྡོ་རྗེའི་བསྟོད་པ་སྟེ་བཅོ་བརྒྱད་འགར་ཆོས་བཟང་གི་འགྱུར། རྟེན་ཅིང་འབྲེལ་བར་འབྱུང་བའི་སྲུང་བ། སྲུང་བའི་འཁོར་ལོ། ཕྱག་ན་རྡོ་རྗེ་ལ་རྗེས་སུ་ཡི་རང་བའི་བསྟོད་པ་རྣམས་ཤེའུ་བཛྲ་དེ་ཝའི་འགྱུར་ཏེ་ཉི་ཤུ་རྩ་གཅིག་པོ་འདི་ཤེའུ་ལོ་ཙཱ་དང་འགར་ཆོས་བཟང་དང་དུས་ཕྱིས་ཁམས་པ་ཡོན་ཏན་འབྱུང་གནས་ཀྱིས་བཅོས་པ་དང་། འགྱུར་མི་གཅིག་པ་གསུམ་སྣང་བས་བོད་མ་ཡིན་ཟེར་བ་མི་བདེན་ནོ། །འདིར་གསང་བ་བསྟན་པའི་རྒྱུད་ཀྱི་རྗེས་སུ་འབྲངས་པའི་གཏུམ་པོའི་སྒྲུབ་ཐབས། གསང་བ་ཐུགས་ཀྱི་ཕུར་གཅིག་མ་ལ་སོགས་པ་ཝ་ལ་ཙནྡྲ་དང་དྷརྨ་ཚུལ་ཁྲིམས་ཀྱིས་བསྒྱུར་བ་རྣམས་སྔར་མ་ཆུད་དོ། །སློབ་དཔོན་བྷ་བ་པས་མཛད་པའི་སྐོར་ལ། རྡོ་རྗེ་མེ་ལྕེའི་རྒྱུད་ཀྱི་འགྲེལ་པ་དེ་ཁོ་ན་ཉིད་སྣང་བ། དཀྱིལ་ཆོག །ཕྱག་ན་རྡོ་རྗེས་མཛད་པའི་སྒྲུབ་ཐབས། ཚོགས་འཁོར། སྦྱིན་སྲེག །མཎྜལ། གཏོར་མ། ལས་ཚོགས་ཀྱི་སྦྱོར་བ། ལས་ཚོགས་རིམ་པར་ཕྱེ་བ་ལ་སོགས་པ་རྣམས་གཞོན་ནུ་ཚུལ་ཁྲིམས་ཀྱི་འགྱུར། འདིར་རྡོ་རྗེ་བེ་ཅོན་ཅན་གྱི་ཆོས་སྐོར་རྣམས་བཙལ་ལོ། །རིགས་ཀྱི་འཇིག་རྟེན་མགོན་པོ་ལྔ་བཅུ་བའི་

འགྲེལ་པ་མདོར་བསྡུས་པ་དང་། རྗེས་གནང་བྱིན་རླབས་ཀྱི་ཆོ་ག་གཉིས་བི་མ་ལ་ཤྲཱིས་མཛད་པ་དང་། སྒྲུབ་ཐབས་རྗེ་བཙུན་མ་ཧི་བས་མཛད་པ་དང་སློབ་དཔོན་བྲམ་ཟེ་བྷི་ག་རས་མཛད་པའི་སྒྲུབ་ཐབས་དང་བཞི་གྲགས་པ་རྒྱལ་མཚན་གྱི་འགྱུར། གཅིག་བསྟན་འགྱུར་དུ་མ་ཚུད་དོ། །སློབ་དཔོན་ཨ་ཛི་ཏ་མི་ཏྲ་གུཔྟས་མཛད་པའི་རལ་པ་གཅིག་པ་ལྷ་ཉི་ཤུ་རྩ་ལྔའི་སྒྲུབ་ཐབས། ལྷ་བཅུ་བདུན་གྱི་སྒྲུབ་ཐབས། བཛྲ་ཀིརྟིས་མཛད་པའི་རལ་གཅིག་ལྷན་སྐྱེས་ཀྱི་སྒྲུབ་ཐབས། རོལ་པའི་རྡོ་རྗེས་མཛད་པའི་ཡུམ་གྱི་སྒྲུབ་ཐབས། བསྔོ་བ་ནོར་བུའི་སྒྲོན་མ། བུདྡྷ་ཤྲཱིས་མཛད་པའི་བསྟོད་པ། རྫོགས་རིམ་རྡོ་རྗེ་སྦས་པའི་གསང་ལམ། ཨ་ཛི་ཏ་མི་ཏྲས་མཛད་པའི་གནོད་སྦྱིན་སྤུན་གཉིས་ཀྱི་སྒྲུབ་ཐབས་ཏེ་བརྒྱད་བྱམས་པའི་དཔལ་གྱི་འགྱུར། བཞི་མ་ཆུད་དོ། །སློབ་དཔོན་ས་མནྟ་ཤྲཱིས་མཛད་པའི་མགོན་པོ་མངོན་འབྱུང་གི་དཀྱིལ་ཆོག་དངོས་གྲུབ་རིན་ཆེན་འབྱུང་གནས་དང་། སྦྱིན་སྲེག་གི་ཆོ་ག་ཡེ་ཤེས་ཀྱི་མེ་སྦར་བ་གཉིས་རྭ་ཆོས་རབ་ཀྱི་འགྱུར། ནག་པོ་ཆེན་པོའི་རྒྱུད་ཀྱི་འགྲེལ་པ་སློབ་དཔོན་རྟ་དབྱངས་ཀྱིས་མཛད་པའོ། །

གཉིས་པ་ཤེས་རབ་ཀྱི་རྒྱུད་དང་འབྲེལ་བ་ལ་ཀྱེའི་རྡོ་རྗེའི་སྐོར་ནི། ཀྱེའི་རྡོ་རྗེའི་རྒྱུད་ཀྱི་འགྲེལ་བ་ལ། རྡོ་རྗེ་སྙིང་པོས་མཛད་པ་འབྲོ་འགྱུར། མཚོ་སྐྱེས་རྡོ་རྗེས་མཛད་པའི་པད་མོ་ཅན་ཁུ་དངོས་གྲུབ་ཀྱི་འགྱུར། མི་ཐུབ་ཟླ་བས་མཛད་པའི་ཀུ་མུ་ཏྲི་ཤཱཀྱ་ཡེ་ཤེས་ཀྱི་འགྱུར། ཤཱནྟི་པས་མཛད་པའི་མུ་ཏིག་གི་ཕྲེང་བ་འགོས་འགྱུར། ནཱ་རོ་པས་མཛད་པའི་འགྲེལ་ཆེན་དཔྱལ་ཆོས་བཟང་གི་འགྱུར། སློབ་དཔོན་ཌཾ་ཀ་དཱ་ཤས་མཛད་པའི་ཁ་སྦྱོར་ཤིན་ཏུ་དྲི་མ་མེད་པ་ཤོང་བློ་བརྟན་གྱི་འགྱུར། སློབ་དཔོན་པདྨའི་མྱུ་གུས་མཛད་པའི་དཀའ་འགྲེལ། སློབ་དཔོན་དྷརྨ་ཀིརྟིས་མཛད་པའི་དཀའ་འགྲེལ་སྤྱན་འབྱེད། སློབ་དཔོན་བྷ་བ་བྷ་དྲས་མཛད་པའི་རྣམ་འགྲེལ་བསོད་ནམས་རྒྱལ་མཚན་གྱི་འགྱུར། དཀའ་འགྲེལ་རྣལ་འབྱོར་རིན་པོ་ཆེའི་ཕྲེང་བ་ནག་ཚོའི་འགྱུར། སློབ་དཔོན་པདྨའི་མྱུ་གུས་མཛད་པའི་འགྲེལ་པ་སྟོད་ཅུང་མ་ཚང་བ་མཚུར་དབྱིག་གི་རྒྱལ་

༄༅།        །མཚན་གྱི་འགྱུར། སློབ་དཔོན་ནག་པོ་པས་མཛད་པའི་དཀའ་འགྲེལ་དྲན་པའི་འབྱུང་གནས་འགོས་འགྱུར་ཏེ་བརྟག་གཉིས་ཀྱི་འགྲེལ་པ་བཅུ་གཉིས་སོ། །གུར་གྱི་འགྲེལ་པ་ལ། ཨིནྡྲ་བྷུ་ཏིས་མཛད་པའི་དཀའ་འགྲེལ་ཞལ་ནས་བརྒྱུད་པ་ཤཱཀྱ་བརྩོན་འགྲུས་ཀྱི་འགྱུར། ལྷའི་རིགས་ཀྱི་བློ་གྲོས་ཆེན་པོས་མཛད་པའི་གུར་གྱི་དཀའ་འགྲེལ་དེ་ཁོ་ན་ཉིད་རྒྱས་པ་འགོས་འགྱུར། ནག་པོ་པ་ཆེ་བས་མཛད་པའི་གུར་གྱི་བཤད་སྦྱར་ཤཱཀྱ་ཡེ་ཤེས་ཀྱི་འགྱུར། གུར་བརྟག་པ་དང་པོའི་བཤད་སྦྱར་ཤཱཀྱ་ཡེ་ཤེས་ཀྱི་འགྱུར་ཏེ་གུར་འགྲེལ་བཞི། སཾ་བུ་ཊའི་འགྲེལ་པ་ལ། སློབ་དཔོན་ཨིནྡྲ་བྷུ་ཏིས་མཛད་པ་ཡང་དག་པའི་ལྟ་བའི་དྲན་པའི་སྣང་བ་གྱི་ཅོའི་འགྱུར། རབ་ཏུ་གསལ་བ་ཁ་སྦྱོར་གྱི་འགྲེལ་པ་སློབ་དཔོན་ཀ་ཡ་ཐ་བགྲེས་པོས་མཛད་པ་གླན་ཆོས་ཀྱི་བློ་གྲོས་ཀྱི་འགྱུར། སློབ་དཔོན་འཇིགས་མེད་འབྱུང་གནས་སྦས་པས་མཛད་པའི་མན་ངག་གི་སྙེ་མ་ཤུ་ལོག་སྟོང་ཕྲག་བརྒྱད་པ་སངས་རྒྱས་གྲགས་དང་ཆོས་ཀྱི་བཟང་པོའི་འགྱུར་ལ་དཔང་བློ་བརྟན་གྱིས་ལེགས་པར་བཅོས་པ། སློབ་དཔོན་དཔའ་བོ་རྡོ་རྗེས་མཛད་པའི་རྒྱ་ཆེར་བཤད་པ་རིན་པོ་ཆེའི་ཕྲེང་བ་སྟེ་བཞིའོ། །རྡོ་རྗེ་སྙིང་པོས་མཛད་པའི་ཀྱེ་རྡོ་རྗེའི་སྒྲུབ་ཐབས་དེ་ཁོ་ན་ཉིད་སྣང་བ་ཟླ་བ་མགོན་པོའི་རང་འགྱུར་འདི་ཐེ་ཚོམ་གྱི་གཞིའོ། །སློབ་དཔོན་མཚོ་སྐྱེས་རྡོ་རྗེས་མཛད་པའི་ཀྱེ་རྡོ་རྗེའི་སྒྲུབ་ཐབས་ཤཱཀྱ་ཡེ་ཤེས་ཀྱི་འགྱུར། དེའི་འགྲེལ་པ་སློབ་དཔོན་ཛ་ལནྡྷ་རི་པས་མཛད་པ་དག་པ་རྡོ་རྗེ་སྒྲོན་མ་ཉི་མ་རྒྱལ་མཚན་གྱི་འགྱུར། སློབ་དཔོན་མཚོ་སྐྱེས་རྡོ་རྗེས་མཛད་པའི་ཚོགས་འཁོར་དམ་ཚིག་ལྔ་པ་ཆོས་ཀྱི་གྲགས་པའི་འགྱུར། སློབ་དཔོན་མི་ཐུབ་ཟླ་བས་མཛད་པའི་དཀྱིལ་འཁོར་ཆོ་ག་བཟང་པོ་ཡོངས་བཟུང་། སྒྲུབ་ཐབས་ཡན་ལག་དྲུག་པ། བདག་མེད་མ་ལྷ་མོ་བཅོ་ལྔའི་སྒྲུབ་ཐབས། འབྱུང་པོ་ཐམས་ཅད་པའི་གཏོར་ཆོག་སྟེ་བཞི་ཤཱཀྱ་ཡེ་ཤེས་ཀྱི་འགྱུར། སློབ་དཔོན་ཌོཾ་བྷི་ཧེ་རུ་ཀས་མཛད་པའི་ཚོགས་འཁོར་གྱི་ཆོ་ག་མར་བ་ཆོས་ཀྱི་བློ་གྲོས་ཀྱི་འགྱུར། ཌོཾ་བྷི་ཧེ་རུ་ཀས་མཛད་

པའི་ལྷ་མོ་བཅོ་ལྔའི་སྒྲུབ་ཐབས་བདུད་རྩི་འོད་ཤཱཀྱ་ཡེ་ཤེས་ཀྱི་འགྱུར། ནག་པོ་པའི་ཀྱེ་རྡོ་རྗེའི་དཔའ་བོ་གཅིག་པའི་སྒྲུབ་ཐབ་འགོས་འགྱུར། ཏཱ་ར་ཤྲཱིའི་ཀྱེ་རྡོ་རྗེ་ཕྱག་གཉིས་པའི་སྒྲུབ་ཐབས་ཆོས་ཀྱི་དབང་ཕྱུག་གི་འགྱུར། སྤྱན་དབྱེའི་ཆོ་ག །ཚ་ཚའི་ཆོ་ག །དྷརྨ་པ་ཀའི་གཏོར་མའི་དེ་ཉིད་བསྡུས་པ། ཡེ་ཤེས་སྙིང་པོས་མཛད་པའི་རོ་སྲེག་གི་ཆོ་ག ། (འདིར་ཚོགས་འཁོར་གྱི་ཆོ་ག་བོད་ཀྱི་རྒྱ་སྟོན་གྱིས་བྱས་པ་བྲིས་པ་ནི་ནོར་བའོ། །) ནག་པོ་པའི་སྦྱིན་སྲེག་འགོས་འགྱུར། ལྷན་སྐྱེས་སྒེག་པའི་ཀུ་རུ་ཀུལླེའི་སྒྲུབ་ཐབས་དཱ་ན་ཤཱི་ལའི་རང་འགྱུར། སློབ་དཔོན་ཞི་བ་འཚོས་མཛད་པའི་གོང་བུ་དགུག་པ། རྐང་པ་དགུག་པ། སྦྲུལ་གྱི་དུག་སེལ་བ། ཤེས་རབ་འཕེལ་བ། དབང་དུ་བསྡུ་བ་སྟེ་ཀུ་རུ་ཀུལླེའི་མན་ངག་ལྔ་དཱ་ན་ཤཱི་ལའི་རང་འགྱུར། སློབ་དཔོན་ཨ་ལ་ལ་བཛྲས་མཛད་པའི་ཀྱེ་རྡོ་རྗེ་ཕྱག་གཉིས་པའི་སྒྲུབ་ཐབས། སློབ་དཔོན་སྒྲ་གཅན་འཛིན་གྱིས་མཛད་པའི་དཔའ་བོ་གཅིག་པ་ཤཱཀྱ་ཡེ་ཤེས་ཀྱི་འགྱུར། སློབ་དཔོན་རྣལ་འབྱོར་པས་མཛད་པའི་དུར་ཁྲོད་ཀྱི་བཤད་པ་འགོས་འགྱུར། སློབ་དཔོན་ཨིནྡྲ་བྷུ་ཏི་དང་མཚོ་སྐྱེས་ཀྱིས་མཛད་པའི་རྩ་བའི་མངོན་རྟོགས་ཆེ་ཆུང་གཉིས། དུར་ཁྲོད་བརྒྱད་ཀྱི་བཤད་པ་གཉིས། ཀྱེ་རྡོ་རྗེའི་མངོན་པར་རྟོགས་པའི་རིམ་བ། དེ་ཁོ་ན་ཉིད་རྣམ་པར་ཕྱེ་བ། རྡོ་རྗེའི་ཀླུའི་འགྲེལ་པ་སློབ་དཔོན་པད་མ་དང་སྒྲོལ་མ་ཅན་གྱི་སྡེས་མཛད་པ་སྟེ་དེ་རྣམས་ཤཱཀྱ་ཡེ་ཤེས་ཀྱི་འགྱུར། བརྡ་ངེས་པར་བཟུང་བ་ཡེ་ཤེས་རྒྱལ་མཚན་གྱི་འགྱུར། དགོངས་པའི་སྐད་ཀྱི་འགྲེལ་པ་སློབ་དཔོན་ཀླུ་སྒྲུབ་ཀྱིས་མཛད་པ་ཤེས་རབ་གྲགས་ཀྱི་འགྱུར། སློབ་དཔོན་ནག་པོ་པས་མཛད་པའི་དཀྱིལ་ཆོག་གཞུང་འགྲེལ་འགོས་འགྱུར། བདག་མེད་མ་དང་། ཀྱེ་རྡོ་རྗེའི་སྒྲུབ་ཐབས་དེ་ཁོ་ན་ཉིད་གསལ་བ་གཉིས་ནག་ཚོའི་འགྱུར། དུར་ཁྲོད་བརྒྱད་ཀྱི་རྟོག་པ་བིཪྺ་པས་མཛད་པ་ལས་བཏུས་པ་ཤེས་རབ་དཔལ་ཡེ་ཤེས་ཀྱི་རང་འགྱུར། ནག་པོ་པ་ཆུང་བས་མཛད་པའི་རོ་སྲེག་གི་ཆོ་ག །སྦྱིན་སྲེག་གི་ཆོ་ག །རབ་ཏུ་གནས་པའི་ཆོ་གའི་ཚུལ། ཚོགས་ཀྱི་འཁོར་ལོ་

༄༅།        །རྣམས་འགོས་འགྱུར། ཇོ་བོ་རྗེས་མཛད་པའི་ཀྱེ་རྡོ་རྗེའི་འབྱུང་པོ་ཐམས་ཅད་ཀྱི་གཏོར་ཆོག །སློབ་དཔོན་ཤནྟི་པས་མཛད་པའི་ལྷན་ཅིག་སྐྱེས་དགའ་ཏིང་ངེ་འཛིན་བཟང་པོའི་འགྱུར། གཏོར་མའི་ཆོ་ག་གཉིས། ནག་པོ་པའི་གཤིན་ཆོག་ཉི་མ་རྒྱལ་མཚན་གྱི་འགྱུར། སློབ་དཔོན་ཤཱནྟི་པས་མཛད་པའི་ལྷན་ཅིག་སྐྱེས་པའི་རྣལ་འབྱོར་གྱི་རིམ་པ་ཀུ་མཱ་ར་ཀ་ལ་ཤའི་འགྱུར་དང་། དེའི་འགྲེལ་པ་སློབ་དཔོན་ཐ་ག་ནས་མཛད་པ་སྙིང་པོ་རབ་ཏུ་གསལ་བ་མནྟྲ་ཀ་ལ་ཤའི་རང་འགྱུར། སློབ་དཔོན་མི་ཐུབ་ཟླ་བས་མཛད་པའི་གུར་མཁའ་འགྲོ་ལྔའི་སྒྲུབ་ཐབས་བསོད་ནམས་རྒྱལ་མཚན་གྱི་འགྱུར། རྡོ་རྗེ་གུར་གྱི་སྒྲུབ་ཐབས་དཀྱིལ་འཁོར་བསྡུས་པའི་རྗེས་སུ་འབྲངས་བ་སློབ་དཔོན་ལྷའི་བརྟུལ་ཞུགས་ཀྱིས་མཛད་པ་ཆོས་ཀྱི་བློ་གྲོས་ཀྱི་འགྱུར། སློབ་དཔོན་དཔེ་མེད་རྡོ་རྗེའི་རབ་ཏུ་གསལ་བའི་སྒྲུབ་ཐབས་རིན་ཆེན་བཟང་པོའི་འགྱུར། གུར་གྱི་ཁྲོ་བོ་བཅུའི་རིག་པའི་ཆོ་ག་སློབ་དཔོན་ཛཻ་ཏཱ་རིས་མཛད་པ་དང་། ཌོཾ་བྷི་པའི་སློང་མོའི་འགྲེལ་པ་གཉིས་ཉི་མ་རྒྱལ་མཚན་གྱི་འགྱུར། སློབ་དཔོན་ཤཱནྟི་པས་མཛད་པའི་སྒྲུབ་ཐབས་འཁྲུལ་སྤོང་། དགེ་སློང་འོད་སྲུང་གཞོན་ནུའི་དབང་བཞིའི་རབ་ཏུ་དབྱེ་བ་རིན་ཆེན་བཟང་པོའི་འགྱུར། སློབ་དཔོན་བི་ན་པས་མཛད་པའི་ཀྱེ་རྡོ་རྗེའི་གསང་བའི་དབང་གི་རབ་ཏུ་དབྱེ་བ་དང་། དབང་ཆེན་པོའི་རིམ་པ་གསུམ་པ། སློབ་དཔོན་དཔའ་བོ་རྡོ་རྗེས་མཛད་པའི་ཀྱེ་རྡོ་རྗེའི་དཀྱིལ་ཆོག་རིན་ཆེན་འབར་བ་ཤཱཀྱ་ཡེ་ཤེས་ཀྱི་འགྱུར། སློབ་དཔོན་ནག་པོ་པས་མཛད་པའི་ཨེ་བཾ་མ་ཡའི་བཤད་པ་སྒྲོན་མའི་རིམ་པ། སློབ་དཔོན་ཌོཾ་བྷི་པས་མཛད་པའི་དེ་ཁོ་ན་ཉིད་བཅུ་པ་དགེ་བློའི་འགྱུར། སློབ་དཔོན་ཀམ་པ་ལས་མཛད་པའི་ཀྱེ་རྡོ་རྗེའི་སྒྲུབ་ཐབས་དེ་ཁོ་ན་ཉིད་བཞིའི་རིམ་པ་གླན་དར་མ་བློ་གྲོས་ཀྱི་འགྱུར། ཀྱེ་རྡོ་རྗེའི་ལག་ཏུ་བླང་བའི་རིམ་པ་བསོད་ནམས་རྒྱལ་མཚན་གྱི་འགྱུར། མངོན་པར་རྟོགས་པའི་རིམ་པ་དབྱུག་གུ་དྲུག་ཅུ་རྩ་བཞིའི་མཚན་ཉིད་དང་བཅས་པ་ཤཱཀྱ་ཡེ་ཤེས་

ཀྱི་འགྱུར། སློབ་དཔོན་དཀོན་མཆོག་འབྱུང་གནས་ཀྱིས་མཛད་པའི་བདག་མེད་མའི་སྒྲུབ་ཐབས། སློབ་དཔོན་གཉིས་མེད་རྡོ་རྗེས་མཛད་པའི་བདག་མེད་མའི་སྒྲུབ་ཐབས་མཚུར་ཡེ་ཤེས་འབྱུང་གནས་ཀྱི་འགྱུར། སློབ་དཔོན་ཛཻ་ཏཱ་རིས་མཛད་པའི་ཀྱེ་རྡོ་རྗེའི་དབང་གཏན་ལ་དབབ་པ་གྱི་ཅོའི་འགྱུར། སློབ་དཔོན་ཡན་ལག་མེད་པའི་རྡོ་རྗེས་མཛད་པའི་ཧེ་རུ་ཀ་ཞལ་གཅིག་པའི་སྒྲུབ་ཐབས་རྨ་ཆོས་འབར་གྱི་འགྱུར། སློབ་དཔོན་གཉིས་མེད་རྡོ་རྗེས་མཛད་པའི་དཔལ་ཧེ་རུ་ཀ་རྡོ་རྗེའི་སྒྲུབ་ཐབས། ནཱ་རོ་བས་མཛད་པའི་རོ་སྲེག་གི་ཆོ་ག་བསོད་ནམས་རྒྱལ་མཚན་གྱི་(འདི་ནག་པོ་པས་མཛད་པའི་རོ་སྲེག་གི་ཆོ་ག་དང་ཁྱད་མི་སྣང་།)འགྱུར། ཀྱེ་རྡོ་རྗེའི་གཏོར་མའི་ཆོ་ག །ཀྱེ་རྡོ་རྗེའི་ཕྱག་མཚན་གྱི་ཕན་ཡོན། སློབ་དཔོན་སྒེག་པའི་རྡོ་རྗེས་མཛད་པའི་རྫོགས་རིམ་གྱི་མན་ངག །ཀྱེ་རྡོ་རྗེའི་མངོན་པར་རྟོགས་པའི་རིམ་པ་དོན་རབ་ཏུ་གསལ་བ། ཀྱེ་རྡོ་རྗེའི་གཙོ་བོ་སེམས་དཔའ་གསུམ་གྱི་སྒྲུབ་ཐབས་རྗེ་ནཱ་རོ་པའི་ཞལ་གྱི་ལུང་དང་སྦྱར་བ། དཔལ་ཏིང་ངེ་འཛིན་རྡོ་རྗེས་མཛད་པའི་བདག་མེད་མའི་མན་ངག་བསོད་ནམས་རྒྱལ་མཚན་གྱི་འགྱུར། སློབ་དཔོན་མཚོ་སྐྱེས་ཀྱིས་མཛད་པའི་ཀྱེ་རྡོ་རྗེ་མར་མེའི་རྩེ་མོ་ལྟ་བུའི་གདམས་ངག་དང་། སློབ་དཔོན་རྡོ་རྗེ་དྲིལ་བུ་པས་མཛད་པའི་ཀྱེ་རྡོ་རྗེ་དཔའ་བོ་གཅིག་པའི་སྒྲུབ་ཐབས་དང་། སློབ་དཔོན་གརྦྷ་རི་པས་མཛད་པའི་ཀྱེ་རྡོ་རྗེའི་དྲན་པ་གཅིག་པ་དང་གསུམ་ཤཱཀྱ་ཡེ་ཤེས་ཀྱི་འགྱུར། དཔལ་ཏིང་ངེ་འཛིན་རྡོ་རྗེས་མཛད་པའི་ཧེ་རུ་ཀའི་རང་བྱིན་གྱིས་བརླབ་པའི་མན་ངག་དགེ་སློང་ཤེས་རབ་ཡེ་ཤེས་དང་བསོད་ནམས་རྒྱལ་མཚན་གྱི་འགྱུར། ཀྱེ་རྡོ་རྗེ་ཕྱག་གཉིས་པའི་སྒྲུབ་ཐབས་ཤཱཀྱ་ཡེ་ཤེས་ཀྱི་འགྱུར། ཀྱེ་རྡོ་རྗེ་མདོར་བསྡུས་པའི་བྱ་བ་ཚ་ཚའི་རིམ་པ། སློབ་དཔོན་རིན་ཆེན་ཟླ་བས་མཛད་པའི་ཀྱེ་རྡོ་རྗེའི་བུམ་པའི་སྒྲུབ་ཐབས་ཁུ་དངོས་གྲུབ་ཀྱི་འགྱུར། གཏོར་མའི་ཆོ་ག་ཉུང་ངུ། སློབ་དཔོན་བྱང་ཆུབ་སྙིང་པོས་མཛད་པའི་ཀྱེ་རྡོ་རྗེའི་སྦྱིན་སྲེག་གི་ཆོ་ག་མདོར་བསྡུས་པ་དགེ་སློང་ཤེས་རབ་སྐྱབས་ཀྱི་འགྱུར། ཀྱེ་རྡོ་རྗེའི་

༄༅།        །གཏོར་ཆོག །དཔའ་བོ་གཅིག་པ་ཧེ་རུ་ཀ་ཕྱག་བཅུ་དྲུག་པའི་སྒྲུབ་ཐབས། སློབ་དཔོན་མཚོ་སྐྱེས་རྡོ་རྗེས་མཛད་པའི་ཀྱེ་རྡོ་རྗེའི་མཎྜལ་གྱི་ཆོ་ག་དང་སྦྱིན་སྲེག་གི་ཆོ་ག་གཉིས། སློབ་དཔོན་མཚོ་སྐྱེས་རྡོ་རྗེས་མཛད་པ་ཀྱེ་རྡོ་རྗེ་ནས་གླིང་མའི་དཀྱིལ་ཆོག་ཤཱཀྱ་བརྩོན་འགྲུས་ཀྱི་འགྱུར་འདི་མ་ཆུད། སློབ་དཔོན་བྱང་ཆུབ་སྙིང་པོས་མཛད་པའི་ཀྱེ་རྡོ་རྗེའི་སྒྲུབ་ཐབས་ལྷ་བཙན་པོ་མུ་ནི་རཱ་ཛའི་འགྱུར། ཀྱེ་རྡོ་རྗེ་ཕྱག་གཉིས་པའི་སྒྲུབ་ཐབས། སློབ་དཔོན་བློ་གྲོས་ཆེན་པོས་མཛད་པའི་རྡོ་རྗེ་གུར་ལས་གསུངས་པའི་རོ་སྲེག་གི་ཆོ་ག་བ་རིའི་འགྱུར། སློབ་དཔོན་མཚོ་སྐྱེས་རྡོ་རྗེས་མཛད་པའི་བསྟོད་པ་ཉི་ཤུ་པ་ཤཱཀྱ་ཡེ་ཤེས་ཀྱི་འགྱུར། ཁ་ཆེ་རིན་ཆེན་རྡོ་རྗེས་མཛད་པའི་ཀྱེ་རྡོ་རྗེའི་བསྟོད་པ་བྱང་ཆུབ་ཤེས་རབ་ཀྱི་འགྱུར། སློབ་དཔོན་བསོད་སྙོམས་པ་འཕགས་པ་ལྷས་མཛད་པའི་བདག་མེད་ལྷ་མོ་བཅོ་ལྔའི་བསྟོད་པ། སློབ་དཔོན་ཌོཾ་བྷི་ཧེ་རུ་ཀས་མཛད་པའི་ཀྱེ་རྡོ་རྗེའི་བཀྲ་ཤིས་ཏེ་ཀྱེ་རྡོ་རྗེའི་ཆོས་སྐོར་བརྒྱ་ཉི་ཤུའོ། །བདེ་མཆོག་གི་སྐོར་ལ། རྩ་རྒྱུད་ཀྱི་འགྲེལ་པ་ལ། ཕྱག་ན་རྡོ་རྗེས་མཛད་པའི་སྟོད་འགྲེལ་ཏིང་ངེ་འཛིན་བཟང་པོའི་འགྱུར། སློབ་དཔོན་ལམ་ཀ་རྒྱལ་བ་བཟང་པོས་མཛད་པའི་དཀའ་འགྲེལ། སློབ་དཔོན་སྐལ་ལྡན་གྲགས་པས་མཛད་པའི་དཀའ་འགྲེལ་དཔའ་བོ་ཡིད་འོང་རིན་ཆེན་བཟང་པོའི་འགྱུར། སློབ་དཔོན་སྐར་རྒྱལ་ཟླ་བས་མཛད་པའི་དཀའ་འགྲེལ་རིན་པོ་ཆེའི་ཚོགས་ཡོན་ཏན་དཔལ་གྱི་འགྱུར། སློབ་དཔོན་ལྷ་སྦས་ཀྱིས་མཛད་པའི་སྒྲུབ་ཐབས་གནས་པའི་མན་ངག་ཐམས་ཅད་རྒྱ་ཆེར་འགྲེལ་པ། སློབ་དཔོན་ཏ་ཐཱ་ག་ཏ་རཀྵི་ཏས་མཛད་པའི་གཉིས་ཀའི་བཤད་སྦྱར་ཆོས་ཀྱི་བློ་གྲོས་ཀྱི་འགྱུར། སློབ་དཔོན་ལྭ་བ་པས་མཛད་པའི་འགྲེལ་པ་སྒྲུབ་ཐབས་གླེང་གཞི་འགོས་འགྱུར། སློབ་དཔོན་སུ་མ་ཏི་ཀིརྟིས་མཛད་པའི་སྡོམ་པ་འབྱུང་བའི་རྒྱུད་ཉུང་ངུའི་མཚམས་སྦྱོར་གྲགས་འབྱོར་ཤེས་རབ་ཀྱི་འགྱུར། སློབ་དཔོན་བྷ་ཝ་བྷ་དྲས་མཛད་པའི་འཁོར་ལོ་སྡོམ་པའི་དཀའ་

འགྲེལ་དང་། སློབ་དཔོན་དཔའ་བོ་རྡོ་རྗེས་མཛད་པའི་འཁོར་ལོ་སྡོམ་པའི་རྣམ་འགྲེལ་ཡོན་ཏན་ཐམས་ཅད་གནས་པ་གཉིས་བ་རི་རིན་ཆེན་གྲགས་ཀྱི་འགྱུར། སློབ་དཔོན་རྡོ་རྗེས་མཛད་པའི་འགྲེལ་པ་ཟངས་དཀར་འཕགས་པ་ཤེས་རབ་ཀྱི་འགྱུར། རྩ་རྒྱུད་འགྲེལ་པ་བཅུ་གཅིག་གོ །རྡོ་རྗེ་མཁའ་འགྲོའི་འགྲེལ་པ་སློབ་དཔོན་བྷ་ཝ་བྷ་དྲས་མཛད་པ་འགོས་འགྱུར། རྡོ་རྗེ་མཁའ་འགྲོའི་འགྲེལ་པ་དེ་ཁོ་ན་ཉིད་བརྟན་པར་བྱེད་པ་སློབ་དཔོན་ནོར་བཟང་གིས་མཛད་པ་གྱི་ཅོའི་འགྱུར། རྣལ་འབྱོར་མ་ཀུན་ཏུ་སྤྱོད་པའི་བཤད་སྦྱར་སློབ་དཔོན་ཏ་ཐཱ་ག་ཏ་རཀྵི་ཏས་མཛད་པ་བ་རིའི་འགྱུར། མཁའ་འགྲོ་རྒྱ་མཚོའི་འགྲེལ་པ་སློབ་དཔོན་པད་མ་བཛྲས་མཛད་པ་གྲུ་གཟིངས་ཞེས་བྱ་བ་སྟོང་ཕྲག་བརྒྱད་པ་ཆོས་ཀྱི་ཡོན་ཏན་གྱི་འགྱུར། སྡོམ་འབྱུང་གི་འགྲེལ་པ་པད་མོ་ཅན་སློབ་དཔོན་རཏྣ་རཀྵི་ཏས་མཛད་པ་ཤོང་བློ་བརྟན་གྱི་འགྱུར། ཧེ་རུ་ཀ་མངོན་འབྱུང་གི་དཀའ་འགྲེལ་སློབ་དཔོན་ཟླ་བ་གཞོན་ནུས་མཛད་པ་ཆོས་ཀྱི་བློ་གྲོས་ཀྱི་འགྱུར། སློབ་དཔོན་ཤཱནྟི་པས་མཛད་པའི་ནམ་མཁའ་དང་མཉམ་པའི་རྒྱུད་ཀྱི་རྒྱ་ཆེར་འགྲེལ་པ་ཤེས་རབ་ཡེ་ཤེས་ཀྱི་འགྱུར། ཕྱག་ན་རྡོ་རྗེས་མཛད་པའི་བདེ་མཆོག་གི་སྒྲུབ་ཐབས་དེ་ཁོ་ན་ཉིད་ཀྱི་སྙིང་པོ་ཟླ་མགོན་དང་གཉལ་མི་ཡེ་ཤེས་ཆོས་ཀྱི་འགྱུར། ཁྱབ་འཇུག་སྦས་པས་མཛད་པའི་ཕག་མོ་ལྷ་བཅུ་གསུམ་མའི་སྒྲུབ་ཐབས། སློབ་དཔོན་ལཱུ་ཨི་པས་མཛད་པའི་བདེ་མཆོག་གི་སྒྲུབ་ཐབས་རིན་ཆེན་བཟང་པོའི་འགྱུར། དེའི་དཀའ་འགྲེལ། ཕྱི་རོལ་མཆོད་པའི་ཆོ་ག །གཏོར་མའི་ཆོ་ག །ལག་མཆོད་དེ་སློབ་དཔོན་པྲཛྙཱ་རཀྵི་ཏས་མཛད་པའི་ཆོས་བཞི་རྔོག་འགྱུར། པྲཛྙཱ་རཀྵི་ཏས་མཛད་པའི་ཚ་ཚའི་ཆོ་ག་བ་རིའི་འགྱུར། སློབ་དཔོན་པད་མའི་དབྱངས་ཀྱིས་མཛད་པའི་སྦྱིན་སྲེག་གི་སྡོམ་ཚིག་འདི་གཉིས་མ་ཚུད། ལཱུ་ཨི་པའི་སྒྲུབ་ཐབས་ཀྱི་འགྲེལ་པ་ཇོ་བོ་རྗེས་མཛད་པ་ནག་ཚོའི་འགྱུར། ལཱུ་ཨི་པའི་འགྲེལ་པ་སྡོམ་པ་འབྱུང་བ་དང་། དེའི་འགྲེལ་བ་ཁྱད་པར་གསལ་བྱེད་དང་། དེའི་དཀྱིལ་འཁོར་ཆོ་ག་དང་། བདུད་རྩི་རི་ལུའི་

༄༅།        །སྒྲུབ་ཐབས་གཉིས་དང་། ཨ་བྷིདྷན་ནས་ཕྱུང་བའི་སྲུང་འཁོར་དང་དྲུག །དེ་བཞིན་གཤེགས་པའི་རྡོ་རྗེས་མཛད་པ་བི་བྷུ་ཏི་ཙནྡྲའི་རང་འགྱུར། འདིའི་ཕྱི་མ་གསུམ་མ་ཆུད། སློབ་དཔོན་ནག་པོ་པས་མཛད་པའི་ཆོས་དྲུག་ལ། དཀྱིལ་ཆོག་སྒྲུབ་ཐབས་སྦྱིན་སྲེག་གསུམ་རིག་པ་གཞོན་ནུའི་འགྱུར། དཔྱིད་ཀྱི་ཐིག་ལེ་འགོས་འགྱུར། གསང་བའི་དེ་ཁོ་ན་ཉིད་འགོས་དང་མར་དོའི་འགྱུར། ཨོ་ལ་པ་ཏི་ཤཱཀྱ་ཡེ་ཤེས་ཀྱི་འགྱུར་ཏེ་དྲུག་གོ །སློབ་དཔོན་རྡོ་རྗེ་དྲིལ་བུ་པས་མཛད་པའི་དྲིལ་བུ་སྐོར་གསུམ་ལ། དབང་གི་བྱ་བ་མདོར་བསྡུས་པ་ཆོས་ཀྱི་ཤེས་རབ་ཀྱི་འགྱུར། སྒྲུབ་ཐབས་བློ་གྲོས་གྲགས་ཀྱི་འགྱུར། རིམ་པ་ལྔ་པ་ནག་ཚོ་དང་བློ་ལྡན་ཤེས་རབ་ཀྱི་འགྱུར། ཡང་རྡོ་རྗེ་དྲིལ་བུ་པས་མཛད་པ་ལ། བདེ་མཆོག་ལྷ་ལྔའི་སྒྲུབ་ཐབས་ཡིད་བཞིན་ནོར་བུ་ཆོས་ཀྱི་དབང་ཕྱུག་གི་འགྱུར། ལྷན་ཅིག་སྐྱེས་པའི་སྒྲུབ་ཐབས་དཔྱལ་ཆོས་བཟང་གི་འགྱུར། ལྷན་སྐྱེས་ཕྱག་གཉིས་པའི་སྒྲུབ་ཐབས་ཆོས་རྗེ་དཔལ་གྱི་འགྱུར་ཏེ་གསུམ་མོ། །དཔལ་ཉིན་མོ་མཛད་ཀྱིས་མཛད་པའི་འཁོར་ལོ་སྡོམ་པའི་སྒྲུབ་ཐབས་དགེ་བློའི་འགྱུར། སློབ་དཔོན་ལྭ་བ་པས་མཛད་པའི་བདེ་མཆོག་ལྷ་བཅུ་གསུམ་མའི་སྒྲུབ་ཐབས་དང་། དེའི་དཀྱིལ་ཆོག་རིན་པོ་ཆེ་རབ་ཏུ་གསལ་བའི་སྒྲོན་མ་གཉིས་ཆོས་ཀྱི་དབང་ཕྱུག་གི་འགྱུར། འཇིགས་མེད་འབྱུང་གནས་སྦས་པས་མཛད་པའི་བདེ་མཆོག་སྒྲུབ་ཐབས་འཁྲུལ་སྤོང་ཉི་མ་རྒྱལ་མཚན་གྱི་འགྱུར། དེས་མཛད་པའི་རང་བྱིན་གྱིས་བརླབ་པའི་མན་ངག་ཆོས་རྗེ་དཔལ་གྱི་འགྱུར། མཻ་ཏྲི་པས་མཛད་པའི་བདེ་མཆོག་བཅུ་གསུམ་མའི་སྒྲུབ་ཐབས་རིན་ཆེན་སྒྲོན་མ་བ་རེག་ཐོས་པ་དགའ་དང་བ་རི་དང་བྱམས་པའི་དཔལ་གྱི་འགྱུར། རྨ་བན་ཆོས་འབར་གྱི་འགྱུར་ཡང་ཡོད། སློབ་དཔོན་གཉིས་མེད་རྡོ་རྗེས་མཛད་པའི་བདེ་མཆོག་ཡི་གེ་བདུན་པའི་སྒྲུབ་ཐབས་མར་དོའི་འགྱུར། སློབ་དཔོན་རྒྱལ་བ་བཟང་པོས་མཛད་པ་འཁོར་ལོ་སྡོམ་པའི་སྒྲུབ་ཐབས་བ་རིའི་འགྱུར། སློབ་དཔོན་དཔའ་བོ་རྡོ་

རྗེས་མཛད་པའི་བདེ་མཆོག་གི་དཀྱིལ་ཆོག་ཡིད་འོང་ཕྲེང་བ། སློབ་དཔོན་མ་ཀ་ན་ཤྲཱིས་མཛད་པའི་འཁོར་ལོ་སྡོམ་པ་དཔའ་བོ་གཅིག་པའི་སྒྲུབ་ཐབས་ཤེས་རབ་གྲགས་ཀྱི་འགྱུར། སློབ་དཔོན་ནཱ་རོ་པས་མཛད་པའི་དཔའ་བོ་གཅིག་པ་ཧེ་རུ་ཀའི་སྒྲུབ་ཐབས། བྲམ་ཟེ་བྷྲིང་ག་རས་མཛད་པའི་ཧེ་རུ་ཀའི་སྒྲུབ་ཐབས་མདོར་བསྡུས་པ་གཞོན་ནུ་བུམ་པའི་རང་འགྱུར། སློབ་དཔོན་གཉིས་མེད་རྡོ་རྗེས་མཛད་པའི་འཁོར་ལོ་སྡོམ་པའི་མན་ངག་མཚུར་གྱི་འགྱུར། སློབ་དཔོན་གརྦྷ་རི་པས་མཛད་པའི་དཔའ་བོ་གཅིག་པའི་སྒྲུབ་ཐབས། སློབ་དཔོན་ཉིན་མོའི་འབྱུང་གནས་ཟླ་བས་མཛད་པའི་ཧེ་རུ་ཀ་འབྱུང་བའི་དཀྱིལ་ཆོག །རྡོ་རྗེ་དྲིལ་བུ་པའི་མན་ངག་ལུས་ཀྱི་དཀྱིལ་འཁོར། རྡོ་རྗེ་དྲིལ་བུ་པས་མཛད་པའི་འཁོར་ལོ་སྡོམ་པའི་རིམ་ལྔའི་འགྲེལ་པ་ཆོས་ཀྱི་དབང་ཕྱུག་གི་འགྱུར། དཔལ་རྡོ་རྗེ་མཁའ་འགྲོའི་རྒྱུད་ལས་བཏུས་པའི་སྒྲུབ་ཐབས་བྱང་ཆུབ་ཀྱི་སེམས་ཀུན་ཏུ་གཟིགས་པའི་ཕྲེང་བ་སློབ་དཔོན་ཀ་ལ་ཀ་པས་མཛད་པ་འགོས་འགྱུར། མཁའ་འགྲོ་རྒྱ་མཚོའི་སྒྲུབ་ཐབས་རྐང་པ་བཞི་བཅུ་རྩ་བརྒྱད་པའི་བསྟོད་པ་དང་གཉིས་དར་མ་ཡོན་ཏན་གྱི་འགྱུར། དཀྱིལ་ཆོག་གཏོར་ཆོག་མཎྜལ་གྱི་ཆོ་ག་སྦྱིན་སྲེག་གི་ཆོ་ག་དང་བཞི་ཡེ་ཤེས་རྡོ་རྗེའི་འགྱུར། དྲུག་པོ་དེ་ཛ་ཡ་སེ་ནས་མཛད་པའོ། །སློབ་དཔོན་ཌོཾ་བྷི་ཧེ་རུ་ཀ་པས་མཛད་པའི་ཧེ་རུ་ཀ་དཔའ་བོ་གཅིག་པའི་སྒྲུབ་ཐབས་ནག་ཚོའི་འགྱུར། དཔལ་ཆོས་ཀྱི་གྲགས་པས་མཛད་པའི་རྡོ་རྗེ་མཁའ་འགྲོའི་བསྟོད་པ་རྒྱུན་ཆགས་ཆོས་རྗེ་དཔལ་གྱི་འགྱུར། ཁ་ཆེ་རིན་ཆེན་རྡོ་རྗེས་མཛད་པའི་འཁོར་ལོ་སྡོམ་པའི་བསྟོད་པ་ཆོས་ཀྱི་དབང་ཕྱུག་གི་འགྱུར། སློབ་དཔོན་ཛ་ལནྡྷ་རི་པས་མཛད་པའི་འཁོར་ལོ་སྡོམ་པའི་བསྟོད་པ་དོན་ཐམས་ཅད་གྲུབ་པ་རྣམ་དག་གཙུག་གི་ནོར་བུ་རྒྱ་བརྩོན་འགྲུས་སེང་གེ་དང་ཉི་མ་རྡོ་རྗེའི་འགྱུར། རྒྱལ་པོ་ཨིནྡྲ་བྷུ་ཏིས་མཛད་པའི་འཁོར་ལོ་སྡོམ་པའི་བསྟོད་པ། འཁོར་ལོ་སྡོམ་པའི་མཚན་བརྒྱ་རྩ་བརྒྱད་པའྀ་བསྟོད་པ། པཎྜི་ཏ་ཤུ་ར་ཀ་ལ་ཤས་མཛད་པའི་འཁོར་ལོ་སྡོམ་པའི་

༄༅།        །བསྟོད་པ་བསོད་ནམས་བཟང་པོའི་འགྱུར། ཁ་ཆེ་རིན་ཆེན་རྡོ་རྗེས་མཛད་པའི་འཁོར་ལོ་སྡོམ་པའི་དཀྱིལ་འཁོར་གྱི་ལྷ་ལ་བསྟོད་པ། སློབ་དཔོན་དྷ་རི་ཀ་པས་མཛད་པའི་འཁོར་ལོ་སྡོམ་པའི་བསྟོད་པ་བསྡུས་པ། སློབ་དཔོན་རྡོ་རྗེ་དྲིལ་བུ་པས་མཛད་པའི་དཀྱིལ་འཁོར་གྱི་ལྷ་ལ་བསྟོད་པ་རིན་པོ་ཆེ་སྒྱུ་འཕྲུལ་སྦྱིན་པ་ཆོས་ཀྱི་དབང་ཕྱུག་གི་འགྱུར། སློབ་དཔོན་མཻ་ཏྲི་པས་མཛད་པའི་འཁོར་ལོ་སྡོམ་པའི་བསྟོད་པ། སློབ་དཔོན་བྷུ་རི་པས་མཛད་པའི་བདེ་མཆོག་གི་རྒྱུན་བཤགས་རྒྱས་པ་རིན་ཆེན་བཟང་པོའི་འགྱུར། སློབ་དཔོན་ཤ་ཝ་རི་ལ་སོགས་པས་མཛད་པར་གྲགས་པའི་ཞལ་གཉིས་མ་ཆུང་བ་རྨ་བན་གྱི་འགྱུར། བིཪྺ་པས་མཛད་པའི་དབུ་བཅད་མ་ཆེ་བ་རྨ་བན་གྱི་འགྱུར། ལྷ་མོ་དཔལ་གྱི་བློ་གྲོས་ཀྱིས་མཛད་པའི་དབུ་བཅད་མ་ཆུང་བ་དང་། ཨ་བ་དྷཱུ་ཏཱི་པས་མཛད་པའི་དོན་གྲུབ་མ་ཆུང་བ་དང་། སྟོང་ཉིད་ཏིང་ངེ་འཛིན་གྱིས་མཛད་པའི་ཞལ་གཉིས་མ་ཆེ་བ་དང་། དོན་གྲུབ་མ་ཆེ་བ་གཉིས་དང་། སངས་རྒྱས་བྱིན་གྱིས་མཛད་པའི་སྦྱིན་སྲེག་གི་ཆོ་ག་སྟེ་ལྔ་རྔོག་འགྱུར། ཞལ་གཉིས་མ་ཆེ་བའི་རྒྱ་ཆེར་བཤད་པ་དེ་ཁོ་ན་ཉིད་བཤད་པ་སློབ་དཔོན་བརྩོན་འགྲུས་དཔལ་བཤེས་གཉེན་གྱིས་མཛད་པ་ཉི་མ་རྒྱལ་མཚན་གྱི་འགྱུར། སློབ་དཔོན་དགེ་བའི་འབྱུང་གནས་སྦས་པས་མཛད་པའི་ཕག་མོ་མངོན་པར་རྟོགས་པའི་སྙེ་མ་དཱ་ན་ཤཱི་ལའི་རང་འགྱུར། སློབ་དཔོན་གཉིས་མེད་རྡོ་རྗེས་མཛད་པའི་ཕག་མོའི་སྒྲུབ་ཐབས་དང་། སློབ་དཔོན་ཤ་ཝ་རི་པས་མཛད་པའི་རྣལ་འབྱོར་མའི་མཆོད་པའི་ཆོ་ག་མདོར་བསྡུས་པ་གཉིས་མཚུར་དབང་ངེའི་འགྱུར། ཇོ་བོ་རྗེས་མཛད་པའི་བཅུ་གསུམ་མའི་སྒྲུབ་ཐབས་རིན་ཆེན་བཟང་པོའི་འགྱུར། སློབ་དཔོན་དཱ་རི་ཀ་པས་མཛད་པའི་རྣལ་འབྱོར་མའི་འགྲེལ་པ་རྣལ་འབྱོར་གྱི་རྗེས་སུ་འབྲངས་པ་ཚེས་བཅུའི་མཆོད་པ་དང་བཅས་པ། སློབ་དཔོན་ཀླུས་བྱིན་པས་མཛད་པའི་རྣལ་འབྱོར་གྱི་སྙིང་པོ་བསྡུས་པ། སློབ་དཔོན་དཱ་རི་ཀ་པས་མཛད་པའི་རྣལ་འབྱོར་མའི་མན་ངག་རྣམས་དཱ་ན་ཤཱི་

ལའི་རང་འགྱུར། སློབ་དཔོན་ཤ་ཝ་རི་པས་མཛད་པའི་རྣལ་འབྱོར་མའི་བྱིན་རླབས་ཀྱི་ཆོ་ག་མདོར་བསྡུས་པ། སློབ་མ་རྗེས་སུ་གཟུང་བའི་ཆོ་ག །ཚོགས་ཀྱི་འཁོར་ལོའི་ཆོ་ག ། སློབ་དཔོན་གཉིས་མེད་རྡོ་རྗེས་མཛད་པའི་རྣལ་འབྱོར་མའི་སྒྲུབ་ཐབས་དོན་ཐམས་ཅད་གྲུབ་པ་རྣམས་ཉི་མ་རྒྱལ་མཚན་གྱི་འགྱུར། རྡོ་རྗེ་རྣལ་འབྱོར་མའི་བདེ་བ་མཆོག་གི་སྡོམ་པ་འཇུག་པ་ངེས་པའི་དོན་གྱི་དཀྱིལ་འཁོར་ཞེས་བྱ་བ་དཔལ་གཉིས་མེད་རྡོ་རྗེ་མཛད་པ། པྲཛྙཱ་ཤྲཱི་ཛྙཱ་ནའི་རང་འགྱུར། འདི་མ་ཆུད། ལས་དང་པོ་པའི་སྒོམ་པ་མདོར་བསྡུས་པ་ཤེས་རབ་གྲགས་ཀྱི་འགྱུར། ཨིནྡྲ་བྷུ་ཏིས་མཛད་པའི་གྲུབ་པའི་རྡོ་རྗེ་རྣལ་འབྱོར་མའི་སྒྲུབ་ཐབས་ཤེས་རབ་གྲགས་ཀྱི་འགྱུར། རྣལ་འབྱོར་མའི་སྔགས་ཀྱི་དེ་ཁོ་ན་ཉིད་དང་། སློབ་དཔོན་བྷ་རིནྡྲ་རུ་ཙེས་མཛད་པའི་གཞན་དོན་སློབ་མ་རྗེས་སུ་བཟུང་བའི་ཆོ་ག་གཉིས་ཡེ་ཤེས་སྡེའི་འགྱུར། དཔལ་ཨུ་མ་བ་ཏི་ཏཏྟས་མཛད་པའི་ཕག་མོ་མངོན་འབྱུང་གི་སྒྲུབ་ཐབས་དང་། དཀྱིལ་འཁོར་ཆོ་ག་གཉིས་རྭ་ཆོས་རབ་ཀྱི་འགྱུར། སློབ་དཔོན་ཀ་མ་ལ་ཤྲཱིས་མཛད་པའི་རྡོ་རྗེ་ཕག་མོའི་སྒྲུབ་ཐབས་ཨོང་ལོའི་འགྱུར། སློབ་དཔོན་ཀོརྐ་ཏཏྟས་མཛད་པའི་ཕག་མོ་ཤེས་རབ་གསལ་བྱེད་མའི་སྒྲུབ་ཐབས་དང་བསྟོད་པ་གཉིས་གྲུབ་པ་དཔལ་བཟང་པོའི་འགྱུར། སློབ་དཔོན་རྡོ་རྗེ་དྲིལ་བུ་པས་མཛད་པའི་ཕག་མོའི་སྒྲུབ་ཐབས་དང་། ཨུ་རྒྱན་ནས་བྱུང་བའི་ཕག་མོའི་སྒྲུབ་ཐབས་གཉིས་ཆོས་ཀྱི་དབང་ཕྱུག་གི་འགྱུར། སློབ་དཔོན་ཤེས་རབ་བཟང་པོས་མཛད་པའི་རྡོ་རྗེ་ཕག་མོའི་སྒྲུབ་ཐབས་ཆོས་ཀྱི་དབང་ཕྱུག་གི་འགྱུར། སློབ་དཔོན་དཱ་རི་ཀ་བས་མཛད་པའི་ཀེང་རུས་ཀྱི་རྡོ་རྗེ་རྣལ་འབྱོར་མའི་སྒྲུབ་ཐབས། དེའི་འགྲེལ་པ་གཞན་ལ་ཕན་པ་ཀུ་མཱ་ར་བོ་དྷིས་མཛད་པ། སློབ་དཔོན་དཔལ་འཛིན་གྱིས་མཛད་པའི་ཕག་མོའི་སྒྲུབ་ཐབས་བྱམས་པའི་དཔལ་གྱི་འགྱུར། ཀཱུར་མ་པཱ་དའི་སྒྲུབ་ཐབས་དང་། མཁའ་སྤྱོད་མ་དམར་མོའི་སྒྲུབ་ཐབས་གཉིས་དང་གསུམ་དཔྱལ་ཆོས་བཟང་གི་འགྱུར། སློབ་དཔོན་གཉིས་མེད་རྡོ་རྗེས་མཛད་པའི་རྡོ་རྗེ་རྣལ་

༄༅།        །འབྱོར་མ་རིག་པ་འཛིན་པའི་རྩེན་མའི་སྒྲུབ་ཐབས་དང་། དེའི་སློབ་མ་རྗེས་སུ་གཟུང་བའི་ཆོ་ག་གཉིས་བསོད་རྩེའི་འགྱུར་དྲུག་པོ་སྔར་མ་ཆུད། རྡོ་རྗེ་ཕག་མོ་མདོར་བསྡུས་པའི་བསྟོད་པ་གློག་སྐྱ་ལོ་ཙཱའི་འགྱུར། མར་མེ་མཛད་ཡེ་ཤེས་ཀྱིས་མཛད་པའི་མཁའ་སྤྱོད་མ་དཀར་མོའི་བསྟོད་པ་རིན་ཆེན་བཟང་པོའི་འགྱུར། ཡང་དེས་མཛད་པའི་རྡོ་རྗེ་རྣལ་འབྱོར་མའི་བསྟོད་པ་ཁུ་ནེ་ཙོའི་འགྱུར། ཁ་ཆེ་རིན་ཆེན་རྡོ་རྗེས་མཛད་པའི་བདེ་མཆོག་གི་བཀྲ་ཤིས་ཞུ་བྱས་ཚུལ་ཁྲིམས་བཀྲ་ཤིས་ཀྱི་འགྱུར། བདེ་མཆོག་སྡོམ་འབྱུང་གི་སྒྲུབ་ཐབས་པཎྜི་ཏ་ཀྵཱནྟི་ཤྲཱི་དང་། ཤོང་བློ་བརྟན་གྱི་འགྱུར། སློབ་དཔོན་ཨཱརྱ་དེ་བས་མཛད་པའི་རྡོ་རྗེ་མཁའ་འགྲོའི་བསྡུས་དོན་གྱི་འགྲེལ་པ། སློབ་དཔོན་ཛ་ལནྡྷ་རས་མཛད་པའི་འཁོར་ལོ་སྡོམ་པའི་སྙིང་པོའི་དེ་ཁོ་ན་ཉིད་གྲུབ་པ། སློབ་དཔོན་ཡན་ལག་མེད་པའི་རྡོ་རྗེས་མཛད་པའི་ལྷན་ཅིག་སྐྱེས་པའི་དེ་ཁོ་ན་ཉིད་སྣང་བ། སློབ་དཔོན་དགེ་བའི་མགོན་པོས་མཛད་པའི་རྣལ་འབྱོར་གྱི་གཏུམ་མོ། སློབ་དཔོན་ཀུ་ས་ལི་པས་མཛད་པའི་སྙིང་པོའི་དེ་ཁོ་ན་ཉིད་བསྡུས་པ། འཇིགས་མེད་གྲགས་པས་མཛད་པའི་ལྷན་ཅིག་སྐྱེས་པའི་སྣང་བ། རྡོ་རྗེ་དྲིལ་བུ་པས་མཛད་པའི་ཕག་མོ་ལྷ་ལྔའི་སྒྲུབ་ཐབས་དང་། ཕག་མོ་དཀར་མོའི་སྒྲུབ་ཐབས། རྡོ་རྗེ་གནོད་མཛེས་ཀྱི་སྒྲུབ་ཐབས་པྲཛྙཱ་རཀྵི་ཏས་མཛད་པ། རྡོ་རྗེ་ཕག་མོའི་སྒྲུབ་ཐབས་ནཱ་རོ་པས་མཛད་པ། དེའི་ལས་ཚོགས་གནོད་སྦྱིན་མོའི་རྟོག་པ། ཇོ་བོ་རྗེས་མཛད་པའི་རྗེ་བཙུན་མ་རིན་ཆེན་རྒྱན་གྱི་སྒྲུབ་ཐབས། ཡང་ཇོ་བོས་མཛད་པའི་ཕག་མོའི་སྒྲུབ་ཐབས་བར་མ། སློབ་དཔོན་ཉིན་མཛད་རྡོ་རྗེས་མཛད་པའི་བདེ་མཆོག་གི་སྦྱིན་སྲེག་གི་ཆོ་ག །ཀ་ན་ཀ་ཤྲཱིས་མཛད་པའི་དཔའ་བོ་དྲུག་དང་དཔའ་མོ་དྲུག་གི་སྒྲུབ་ཐབས་གཉིས། པྲ་ཛྙཱ་རཀྵི་ཏས་མཛད་པའི་འཁོར་ལོ་སྡོམ་པའི་འཆི་བླུ། བྲམ་ཟེ་ནག་པོ་པས་མཛད་པའི་ཡི་གེ་བདུན་པའི་སྒྲུབ་ཐབས་དེ་རྣམས་མ་ཆུད་དོ། །འཁོར་ལོ་སྡོམ་པའི་ཆོས་སྐོར་བརྒྱ་

དང་བཞི་བཅུ་རྩ་གཅིག་གོ །ཀྱེ་རྡོ་རྗེའི་ཆ་མཐུན་གྱི་རྒྱུད་དུ་ཁ་ཅིག་འདོད་པའི་ཕྱག་རྒྱ་ཆེན་པོ་ཐིག་ལེའི་འགྲེལ་པ་སློབ་དཔོན་ཟབ་པའི་རྡོ་རྗེས་མཛད་པ། སློབ་དཔོན་ཤེས་རབ་གསང་བས་མཛད་པའི་ཕྱག་རྒྱ་ཆེན་པོ་ཐིག་ལེའི་རྒྱ་ཆེར་འགྲེལ་པ་དགའ་བའི་སྤྱན་རིན་ཆེན་རྒྱལ་མཚན་གྱི་འགྱུར། པཎྜི་ཏ་གཞོན་ནུ་ཟླ་བས་མཛད་པའི་རྙོག་པ་མེད་པའི་རྒྱུད་ཀྱི་དཀའ་འགྲེལ། སློབ་དཔོན་མ་ཧཱ་སུ་ག་ཏ་བཛྲས་མཛད་པའི་དེ་ཁོ་ན་ཉིད་སྒྲོན་མའི་རྒྱུད་ཀྱི་དཀའ་འགྲེལ་རིན་ཆེན་ཕྲེང་བ་བྱང་ཆུབ་འབྱུང་གནས་ཀྱི་འགྱུར། སློབ་དཔོན་བི་མ་ལ་གརྦྷས་མཛད་པའི་དཔལ་བདེ་བ་ཆེན་པོའི་འགྲེལ་པ། སློབ་དཔོན་རྡོ་རྗེ་གསང་བས་མཛད་པའི་རང་བཞིན་དགའ་བའི་སྒྲོན་མའི་དཀའ་འགྲེལ་དཔལ་ཤེས་རབ་གསང་བའི་རང་འགྱུར།

སངས་རྒྱས་མཉམ་སྦྱོར་གྱི་སྐོར་ལ། སློབ་དཔོན་བརྒྱ་བྱིན་སྡོང་པོས་མཛད་པའི་སངས་རྒྱས་མཉམ་སྦྱོར་གྱི་འགྲེལ་པ་ལྷ་རིན་པོ་ཆེའི་འགྱུར། སློབ་དཔོན་ཀུ་ཀུ་རཱ་ཛས་མཛད་པའི་སངས་རྒྱས་མཉམ་སྦྱོར་གྱི་དཀྱིལ་ཆོག་དྲན་པ་ནམ་མཁའི་འགྱུར། སློབ་དཔོན་རིན་པོ་ཆེ་རྡོ་རྗེས་མཛད་པའི་སངས་རྒྱས་མཉམ་སྦྱོར་གྱི་དཀྱིལ་ཆོག་བདེ་བ་བསྐྱེད་པ་གཉན་བསོད་ནམས་ཀྱི་འགྱུར། སློབ་དཔོན་ཧཱུཾ་མཛད་རྡོ་རྗེས་མཛད་པའི་སངས་རྒྱས་མཉམ་སྦྱོར་གྱི་དཀྱིལ་འཁོར་སྒྲུབ་པའི་རིམ་པ་ལྷ་རིན་པོ་ཆེའི་འགྱུར། སློབ་དཔོན་ཨིནྡྲ་བྷ་དྲས་མཛད་པའི་སངས་རྒྱས་མཉམ་སྦྱོར་གྱི་ཚོགས་ཀྱི་ཆོ་ག་དྲན་པ་ནམ་མཁའ་དང་ལྷ་རིན་པོ་ཆེའི་འགྱུར། སངས་རྒྱས་མཉམ་སྦྱོར་གྱི་འགྲེལ་པ་སློབ་དཔོན་རབ་ཏུ་དགའ་བའི་རྡོ་རྗེས་མཛད་པའི་མཉམ་སྦྱོར་གྱི་རྒྱན། སློབ་དཔོན་ཨིནྡྲ་བྷུ་ཏིས་མཛད་པའི་མཉམ་སྦྱོར་གྱི་དཀའ་འགྲེལ་དང་། སློབ་དཔོན་རབ་ཞི་བཤེས་གཉེན་གྱིས་མཛད་པའི་མཉམ་སྦྱོར་གྱི་དཀའ་འགྲེལ་གཉིས་རིན་ཆེན་བཟང་པོའི་འགྱུར། སློབ་དཔོན་ཀུན་དགའ་སྙིང་པོས་མཛད་པའི་མཉམ་སྦྱོར་གྱི་འགྲེལ་པ་ཤེས་རབ་སྣང་བར་བྱེད་པ་སྨྲྀ་ཏིའི་རང་འགྱུར་ཏེ་དགུའོ། །

༄༅།       །གདན་བཞིའི་སྐོར་ལ། སློབ་དཔོན་བྷ་ཝ་བྷ་དྲས་མཛད་པའི་རྒྱུད་ཀྱི་འགྲེལ་པ་དྲན་པའི་རྒྱུ་མཚན་འགོས་ཀྱི་འགྱུར། སློབ་དཔོན་འཕགས་པ་ལྷས་མཛད་པའི་གདན་བཞིའི་དཀྱིལ་ཆོག་སྙིང་པོ་མདོར་བསགས་དང་། སློབ་དཔོན་བྷ་ཝ་བྷ་དྲས་མཛད་པའི་གདན་བཞིའི་སྒྲུབ་ཐབས་དང་། སློབ་དཔོན་ཛཻ་ཏཱ་རིས་མཛད་པའི་གདན་བཞིའི་དེ་ཁོ་ན་ཉིད་བཞི་པ་དང་གསུམ་པ་འགོས་འགྱུར། འཕགས་པ་ལྷའི་ཡེ་ཤེས་དབང་ཕྱུག་མའི་སྒྲུབ་ཐབས་གཏོར་ཆོག་དང་བཅས་པ་སྨྲྀ་ཏིའི་རང་འགྱུར། འཕགས་པ་ལྷའི་ཤིང་གཅིག་གི་དཀའ་འགྲེལ། འཕགས་པ་ལྷའི་གདན་བཞིའི་སྒྲུབ་ཐབས་རིན་ཆེན་བཟང་པོའི་འགྱུར། སློབ་དཔོན་ཀླུ་སྒྲུབ་ཀྱིས་མཛད་པའི་མཆན་ཁུང་སྦྱོར་བ། ཡེ་ཤེས་མཁའ་འགྲོའི་སྒྲུབ་ཐབས་སློབ་དཔོན་ཨ་བྷྱས་མཛད་པ་སྒྲ་ཚད་པ་རིན་རྒྱལ་གྱི་འགྱུར། རྣམ་པར་རྒྱལ་བའི་དབང་པོས་མཛད་པའི་དཔལ་རྣལ་འབྱོར་ནམ་མཁའི་སྒྲུབ་ཐབས་འདི་གཉིས་སྔར་མ་ཆུད་དེ་བཅུའོ། །

མ་ཧཱ་མ་ཡའི་སྐོར་ལ། སློབ་དཔོན་ཤཱནྟི་པས་མཛད་པའི་རྒྱུད་ཀྱི་འགྲེལ་པ་ཡོན་ཏན་ལྡན་དང་། ནག་པོ་རྡོ་རྗེས་མཛད་པའི་འགྲེལ་པ་དྲན་པ་གཉིས་འགོས་འགྱུར། དཔལ་(ཀུ་ཀུ་རི་པའི་མཚན་)རྒྱན་པས་མཛད་པའི་དཀའ་འགྲེལ། མི་ཐུབ་ཟླ་བས་མཛད་པའི་དཀའ་འགྲེལ་སྒྱུ་མ་ཅན། སློབ་དཔོན་ཀུ་ཀུ་རི་པས་མཛད་པའི་ཆོས་དྲུག་ལ། དཀྱིལ་ཆོག །སྒྲུབ་ཐབས་ཚིགས་བཅད་མ། སྒྱུ་འཕྲུལ་ཆེན་མོའི་རྗེས་སུ་འབྲངས་པའི་ཧེ་རུ་ཀའི་སྒྲུབ་ཐབས། རྡོ་རྗེ་སེམས་དཔའི་སྒྲུབ་ཐབས་ཆེ་ཆུང་གཉིས་གཏོར་ཆོག་དང་ལྔ་འགོས་འགྱུར། སྒྱུ་འཕྲུལ་ཆེན་མོའི་དཀྱིལ་ཆོག་རིམ་པ་གསལ་བ་གཞོན་ནུ་ཚུལ་ཁྲིམས་ཀྱི་འགྱུར། སློབ་དཔོན་ཀུ་ཀུ་རི་པས་མཛད་པའི་རྨོངས་པ་གྲོལ་བའི་བརྟག་པ་འགོས་འགྱུར། སློབ་དཔོན་ཤཱནྟི་པས་མཛད་པའི་སྒྱུ་འཕྲུལ་ཆེན་མོའི་སྒྲུབ་ཐབས། སློབ་དཔོན་འདུལ་བས་བྱིན་གྱིས་མཛད་པའི་དཀྱིལ་ཆོག །སློབ་དཔོན་དཔལ་རྒྱན་པས་མཛད་པའི་སྒྱུ་འཕྲུལ་

ཆེན་མོའི་རྒྱུད་ཀྱི་རྗེས་སུ་འབྲང་པའི་ཧེ་རུ་ཀའི་སྒྲུབ་ཐབས། རྒྱ་གར་གྱི་མཁན་པོ་སྐུ་མེད་རྡོ་རྗེས་མཛད་པའི་སྒྱུ་འཕྲུལ་ཆེན་མོའི་སྒྲུབ་ཐབས། སྒྱུ་འཕྲུལ་ཆེན་མོའི་སྒྲུབ་ཐབས་ཡུམ་རྡོ་རྗེ་མཁའ་འགྲོ་མས་ཨོ་རྒྱན་གྱི་ཡུལ་དུ་གསུངས་པ་ཤཱཀྱ་བརྩོན་འགྲུས་ཀྱི་འགྱུར། དཔལ་རྒྱན་པས་མཛད་པའི་དཀྱིལ་ཆོག་སྦྱིན་སྲེག་དང་བཅས་པ་དང་། སློབ་དཔོན་བློ་བཟང་སྙིང་པོས་མཛད་པའི་དེ་ཁོ་ན་ཉིད་ཀྱི་མན་ངག་རྩ་འགྲེལ་ཏེ་ཉི་ཤུའོ། །

སངས་རྒྱས་ཐོད་པའི་སྐོར་ལ། ས་ར་ཧའི་ཆོས་ལྔ་ནི། རྒྱུད་ཀྱི་དཀའ་འགྲེལ་ཡེ་ཤེས་ལྡན། ལྷ་ཉི་ཤུ་རྩ་ལྔའི་སྒྲུབ་ཐབས། དཀྱིལ་ཆོག་རིམ་པ་གསལ་བ། འབྱུང་པོ་ཐམས་ཅད་པའི་གཏོར་ཆོག །སྒྲུབ་ཐབས་བསྡུས་པ་སྟེ་ལྔ་གྱི་ཅོ་ཟླ་བའི་འོད་ཟེར་གྱི་འགྱུར། སློབ་དཔོན་འཇིགས་མེད་འབྱུང་གནས་སྦས་པས་མཛད་པའི་རྒྱ་ཆེར་འགྲེལ་པ་མི་འཇིགས་པའི་གཞུང་འགྲེལ་ཤུ་ལོག་སྟོང་ཕྲག་དྲུག་བརྒྱ་པ་འགྱུར་རྙིང་པ་ལ་དཔང་བློ་བརྟན་གྱིས་བཅོས་པ། སློབ་དཔོན་པད་མ་བཛྲས་མཛད་པའི་དཀའ་འགྲེལ་དེ་ཁོ་ན་ཉིད་ཀྱི་ཟླ་བ་འདི་མ་ཆུད་དེ་དེ་ལྟར་བདུན་ནོ། །རྡོ་རྗེ་བདུད་རྩིའི་རྒྱུད་ཀྱི་འགྲེལ་པ་སློབ་དཔོན་བྷ་གོས་མཛད་པ༏ རྡོ་རྗེ་བདུད་རྩིའི་འགྲེལ་པ་བདུད་རྩི་འཛག་པ་ཡོན་ཏན་འབར་དང་ཤེས་རབ་བརྩེགས་ཀྱི་འགྱུར་ཏེ་གཉིས་སོ། །

སློབ་དཔོན་ཉི་མ་སྦས་པས་མཛད་པའི་སྒྲོལ་མ་རྣལ་འབྱོར་ཆེན་པོའི་སྐོར་ནི། སྒྲོལ་མ་སྤྱིའི་སྒྲུབ་ཐབས་དང་སོ་སོའི་སྒྲུབ་ཐབས་ལས་ཚོགས་དཀྱིལ་ཆོག་དང་བཅས་པ་ལེའུ་ཉི་ཤུ་རྩ་དྲུག་པ་བློ་གྲོས་གྲགས་ཀྱི་འགྱུར། སྒྲོལ་མའི་སྒྲུབ་ཐབས་མན་ངག་གི་རིམ་པ་ཁ་ཆེའི་དཔེ་ལས་ས་སྐྱར་བསྒྱུར་བ། ཕྱག་འཚལ་ཉི་ཤུ་རྩ་གཅིག་གི་སྒྲུབ་ཐབས་བྱམས་པའི་དཔལ་གྱི་འགྱུར། ཕྱག་འཚལ་ཉི་ཤུ་རྩ་གཅིག་གི་བསྟོད་པ་རྣམ་དག་གཙུག་གི་ནོར་བུ། སྒྲོལ་མའི་བསྟོད་པ་འདན་མ་ཚུལ་སེང་གི་འགྱུར་ཏེ་ལྔའོ། །སློབ་དཔོན་ཏ་ཐཱ་ག་ཏ་རཀྵི་ཏས་མཛད་པའི་མེ་ཏོག་ཕྲེང་འཛིན་ལྷ་མོ་ལྔའི་སྤྱིའི་སྒྲུབ་ཐབས་སོ་སོའི་སྒྲུབ་ཐབས་ལ་སྟོང་པ་ཉིད་སྒོམ་པ། ལྟ་བ་ངན་པ་སུན་དབྱུང་བ།

༄༅།        །ཆོམ་རྐུན་འཆིང་བ། རིག་པ་སྐྱེད་པ། འཆི་བ་བླུ་བ་ལས་ཚོགས་དང་བཅས་པ་རྣམས་ཅོག་གྲུ་མྱ་ངན་མེད་པའི་དཔལ་གྱི་འགྱུར། གུར་ལས་གསུངས་པའི་རྡོ་རྗེ་སྒྲོལ་མའི་སྒྲུབ་ཐབས། ཨུ་རྒྱན་སྒྲོལ་མའི་ཆོས་སྐོར་དྲུག་ནི། འཕགས་མ་གནས་ཀྱི་དབང་ཕྱུག་མའི་སྒྲུབ་ཐབས་ཀྱི་རྟོག་པ། ཨུ་རྒྱན་སྒྲོལ་མའི་མངོན་རྟོགས་ཀྱི་རིམ་པ། ཨུ་རྒྱན་སྒྲོལ་མའི་རིམ་པ་གསང་བ་ལས་ཀྱང་ཆེས་གསང་བ་དཀྱིལ་འཁོར་གྱི་ཆོ་ག་ས་ར་ཧི་ཏ་བྷ་དྲས་མཛད་པ། སྦྱིན་སྲེག་གི་སྡོམ་ཚིག་གཏོར་མའི་ཆོ་ག་སྟེ་དྲུག་པཎྜི་ཏ་སཾ་གྷ་མ་ཤྲཱི་དང་འཇམ་དཔལ་སྒེག་པའི་རྡོ་རྗེས་བསྒྱུར་བ་སྔར་མ་ཆུད། ཨུ་རྒྱན་གྱི་རིམ་པའི་སྒྲོལ་མའི་སྒྲུབ་ཐབས་ནག་ཚོ་ཤེས་རབ་རྒྱལ་མཚན་གྱི་འགྱུར། སློབ་དཔོན་བྷ་བ་བྷ་དྲས་མཛད་པའི་ཆོས་བཞི་ནི། སྒྲོལ་མ་ཡིད་བཞིན་ནོར་བུའི་སྒྲུབ་ཐབས། སྒྲོལ་མའི་དཀྱིལ་འཁོར་དུ་འཇུག་པའི་ཆོ་ག །ཁྲུས་ཆོག །གསོ་སྦྱོང་གི་ཆོ་ག་དང་བཞི་གྲུབ་པ་དཔལ་བཟང་པོའི་འགྱུར། མཆོག་གི་སྒྲོལ་མ་རལ་པ་གཅིག་པའི་སྒྲུབ་ཐབས་དཀྱིལ་ཆོག་ལ་སོགས་པ་དེ་ཁོ་ན་ཉིད་བཅོ་བརྒྱད་པ་ཞེས་པ་དཱ་ན་ཤཱི་ལའི་རང་འགྱུར་འདི་བརྟག །སློབ་དཔོན་བརྟག་པའི་རྡོ་རྗེས་མཛད་པའི་སྒྲོལ་མ་རལ་གཅིག་མའི་སྒྲུབ་ཐབས། གཏོར་མ། སྒྲོལ་མའི་ཤེས་རབ་བློ་འཕེལ་དང་གསུམ་དཱ་ན་ཤཱི་ལའི་རང་འགྱུར། རལ་གཅིག་མ་དམར་མོའི་སྒྲུབ་ཐབས་མཆོག་ལྡན་གྱི་འགྱུར། དེའི་བྱིན་རླབས་ཀྱི་ཆོ་ག་ནག་པོ་པས་མཛད་པ་གཞོན་ནུ་ཤེས་རབ་ཀྱི་འགྱུར། ཨུ་རྒྱན་གྱི་ཡུལ་ནས་བྱུང་བའི་ལྷ་མོ་ཀུ་རུ་ཀུལླེའི་སྒྲུབ་ཐབས་རོང་ཟོམ་ཆོས་བཟང་གི་འགྱུར། མྱུར་མཛད་མའི་སྒྲུབ་ཐབས་བཅུ་གསུམ་གྱི་བདག་ཉིད། སྙན་དངགས་མཁན་སྙིང་རྗེ་ཆེན་པོས་མཛད་པའི་སྒྲོལ་མའི་མཎྜལ་གྱི་ཆོ་ག །སློབ་དཔོན་བསོད་སྙོམས་པས་མཛད་པའི་སྒྲོལ་མ་མཆོག་སྒྲུབ་པ་དང་། སློབ་དཔོན་ཀ་མ་ལ་ཤྲཱིས་མཛད་པའི་སྒྲོལ་མའི་སྒྲུབ་ཐབས་ཨོང་ལོའི་

འགྱུར། སློབ་དཔོན་ཌོམྦྷི་ཧེ་རུ་ཀས་མཛད་པའི་འཕགས་མ་ཀུ་རུ་ཀུལླེའི་བསྟོད་པ། འདིར་སྒྲོལ་མ་དངོས་གྲུབ་བསྟན་གཟིགས་ཀྱི་ཆོས་སྐོར་བྲིའོ། །སུམ་ཅུ་སོ་བཞིའི་ཁ་ཅིག་རྣལ་འབྱོར་ཆེན་པོ་མིན་ཡང་སྒྲོལ་མ་ཕྱོགས་གཅིག་ཏུ་བྱ་བའི་ཕྱིར་རོ། །

གསུམ་པ་གཉིས་སུ་མེད་པའི་རྒྱུད་དང་འབྲེལ་བ་ལ། དུས་ཀྱི་འཁོར་ལོའི་བསྡུས་རྒྱུད་ཀྱི་འགྲེལ་བ་དྲི་མ་མེད་པའི་འོད་རྭ་ལ་སོགས་པའི་འགྱུར་བཅུ་ལྷག་ཡོད། དེའི་གོ་སླའི་འགྲེལ་པ་པད་མ་ཅན་སོ་མ་ནཱ་ཐའི་རང་འགྱུར། རྒྱལ་པོ་པད་མ་དཀར་པོས་མཛད་པའི་དོན་དམ་བསྙེན་པ་ཟླ་བ་མགོན་པོའི་རང་འགྱུར། དབང་མདོར་བསྟན་གྱི་འགྲེལ་པ་དུས་འཁོར་ཞབས་ཀྱིས་མཛད་པ་འབྲོ་ཤེས་རབ་གྲགས་ཀྱི་འགྱུར། དབང་མདོར་བསྟན་གྱི་འགྲེལ་པ་ནཱ་རོ་པས་མཛད་པ་གྲགས་པ་རྒྱལ་མཚན་གྱི་འགྱུར། ཁོ་བོས་བསྒྱུར་བའི་དབང་མདོར་བསྟན་གྱི་དཀའ་འགྲེལ་ཤུ་ལོག་སུམ་བརྒྱ་དྲུག་ཅུ། དབང་རབ་བྱེད་ཀྱི་འགྲེལ་པ་རྡོ་རྗེའི་ཚིག་འབྱེད་པ་སློབ་དཔོན་དཱ་རི་ཀ་བས་མཛད་པ་འབྲོ་འགྱུར། དུས་འཁོར་ཞབས་ཀྱིས་མཛད་པའི་སྒྲུབ་ཐབས་ཡན་ལག་བཞི་པ་དང་། བྲམ་ཟེ་བསོད་སྙོམས་པས་མཛད་པའི་སྙིང་པོ་རྒྱན་གཉིས་གྱི་ཅོའི་འགྱུར། པཎྜི་ཏ་སཱ་དྷུ་པུ་ཏྲས་མཛད་པའི་དུས་འཁོར་སྒྲུབ་ཐབས་རྒྱས་པ་དང་་དཀྱིལ་འཁོར་ཆོ་ག་དང་། རོལ་པའི་རྡོ་རྗེས་མཛད་པའི་དུས་འཁོར་ལྷན་སྐྱེས་ཀྱི་སྒྲུབ་ཐབས་གསུམ་རྭ་ཆོས་རབ་ཀྱི་འགྱུར། སྒྲུབ་ཐབས་ཀྱི་ཆོ་ག་རིམ་པར་ཕྱེ་བ་དང་། སློབ་དཔོན་དུས་འཁོར་ཞབས་ཀྱིས་མཛད་པའི་དཔལ་ལྡན་རྒྱུ་སྐར་གྱི་དཀྱིལ་འཁོར་གྱི་སྒྲུབ་ཐབས་ཡན་ལག་བཅུ་གཅིག་པ་དང་གཉིས་འབྲོ་འགྱུར། དུས་འཁོར་ཞབས་ཀྱིས་མཛད་པའི་དཀྱིལ་ཆོག་ཡིད་འོང་ཕྲེང་བ། ལ་ཆིངས་ཡོན་ཏན་འབར་གྱི་འགྱུར། དུས་འཁོར་ཞབས་ཀྱིས་མཛད་པའི་ཉི་ཟླ་སྒྲུབ་པ་དང་ཡེ་ཤེས་སྤྱན་སྒྲུབ་གཉིས་བི་བྷུ་ཏི་ཙནྡྲའི་རང་འགྱུར། སློབ་དཔོན་ཨ་ཝ་དྷུ་ཏཱི་པས་མཛད་པའི་སྦྱོར་བ་ཡན་ལག་དྲུག་གི་འགྲེལ་བ་སྦས་པ་མིག་འབྱེད་ཟླ་བ་གྲགས་པའི་འགྱུར། འདི་

༄༅།        །གསུམ་ལ་དུས་འཁོར་དང་མི་མཐུན་པ་ཅི་རིགས་སུ་སྣང་བས་ཐེ་ཆོམ་གྱི་གཞིའོ། །དུས་འཁོར་ཞབས་ཀྱིས་མཛད་པའི་དུས་འཁོར་གྱི་མན་ངག་གྱི་ཅོའི་འགྱུར། འཇམ་དཔལ་གྱིས་མཛད་པའི་རྣལ་འབྱོར་གསུམ་གྱི་སྙིང་པོ་གསལ་བ། དུས་འཁོར་ཞབས་ཀྱི་སྦྱོར་བ་ཡན་ལག་དྲུག་གི་མན་ངག །སློབ་དཔོན་ཨ་བྷྱས་མཛད་པའི་དུས་འཁོར་གྱི་སྡོམ་ཚིག་ཁེའུ་གད་འཁོར་ལོ་གྲགས་ཀྱི་འགྱུར། དེས་མཛད་པའི་རྩིས་ཀྱི་བསྟན་བཅོས་དུས་འཁོར་ལ་འཇུག་པ་ཆོས་གྲགས་དང་ཆོས་རྗེ་དཔལ་གྱི་འགྱུར། བིབྷུ་ཏི་ཙནྡྲས་མཛད་པའི་ནང་གི་སྙེ་མ་དེའི་རང་འགྱུར། རྣལ་འབྱོར་མ་དྲུག་ཅུ་རྩ་བཞིའི་གཏོར་ཆོག་གྲགས་པ་རྒྱལ་མཚན་གྱི་འགྱུར། དུས་འཁོར་གྱི་མཎྜལ་གྱི་ཆོ་ག་ཉི་མ་རྒྱལ་མཚན་གྱི་འགྱུར། འགྲེལ་པ་དྲི་མེད་འོད་ཀྱི་མདོར་བསྡུས་དང་པོའི་བཤད་པ་བཤད་སྦྱར་སྙིང་པོ་སྣང་བ་དཔང་བློ་བརྟན་གྱི་འགྱུར། དུས་འཁོར་ལྷན་སྐྱེས་ཀྱི་སྒྲུབ་ཐབས་གཏོར་མ་དང་བཅས་པ་བྱམས་པའི་དཔལ་གྱི་འགྱུར། འདི་གསུམ་མ་ཆུད། དཔལ་ཕྱག་ན་རྡོ་རྗེས་མཛད་པའི་སྦྱོར་བ་ཡན་ལག་དྲུག་གི་མན་ངག་ཏིང་ངེ་འཛིན་བཟང་པོའི་འགྱུར། སློབ་དཔོན་དཔེ་མེད་མཚོས་མཛད་པའི་སྦྱོར་དྲུག་མི་མཉམ་བཟང་པོའི་འགྱུར། དེའི་འགྲེལ་པ་ཉི་མ་དཔལ་ཡེ་ཤེས་ཀྱིས་མཛད་པ་བི་བྷུ་ཏི་ཙནྡྲའི་རང་འགྱུར། དུས་འཁོར་ཞབས་ཀྱི་སྦྱོར་དྲུག་གི་མན་ངག་དང་། ཤ་ཝ་རིའི་སྦྱོར་དྲུག་གི་མན་ངག་གཉིས་བི་བྷུ་ཏི་ཙནྡྲའི་རང་འགྱུར། མཚན་བརྗོད་ཀྱི་དགོངས་པ་དུས་འཁོར་བཞིན་བཀྲལ་བ་ལ་མཆན་བརྗོད་རྣམ་བཤད་མིའི་དབང་པོ་གྲགས་པས་མཛད་པ་སྦལ་རྡོ་རྗེ་རྒྱལ་པོའི་འགྱུར། དེའི་ཕན་ཡོན་གྱི་འགྲེལ་པ་སྔགས་ཀྱི་དོན་སྙིང་པོ་བསྡུས་པ་དུས་ཞབས་པས་མཛད་པ་རྡོ་རྗེ་རྒྱལ་པོའི་འགྱུར་འདི་གཉིས་ཐེ་ཚོམ་གྱི་གཞིའོ། །སློབ་དཔོན་དཔེ་མེད་མཚོས་མཛད་པའི་མཚན་བརྗོད་འགྲེལ་པ་བདུད་རྩིའི་ཐིགས་པ་སྒྲོན་མ་གསལ་བ་དྷརྨ་ཀིརྟི་དང་རྡོ་རྗེ་རྒྱལ་མཚན་གྱི་འགྱུར། སློབ་དཔོན་ཉི་མ་དཔལ་གྱིས་མཛད་པའི་མཚན་བརྗོད་འགྲེལ་པ་

བདུད་རྩིའི་ཐིགས་པ་ཆོས་རྗེ་དཔལ་གྱི་འགྱུར། པཎ་ཆེན་ཤཱཀྱ་ཤྲཱིས་མཛད་པའི་དུས་འཁོར་གྱི་རྩིས་གཞི་ཉི་ཟླ་འཛིན་པའི་མན་ངག །གཟའ་ལྔ་སོ་སོའི་རྐྱང་རྩིས། ས་མནྟ་ཤྲཱིས་མཛད་པའི་སྦྱིན་སྲེག་གི་ཆོ་ག །པཎྜི་ཧ་སཱ་དྷུ་ཀཱིརྟིས་མཛད་པའི་དུས་འཁོར་གྱི་བསྟོད་པ་རྒྱུན་ཆགས་འདན་མ་ཚུལ་སེང་གི་འགྱུར། དུས་འཁོར་གྱི་རྩ་ལྟུང་སྟེ་བཞི་བཅུ་རྩ་གསུམ་མོ། དུས་ཀྱི་འཁོར་ལོ་ལ་བརྟེན་པའི་ཡི་གེ་ཡང་དག་པར་བརྗོད་པའི་རྣམ་འགྲེལ་གོ་མི་ཆེན་པོས་སྦྱར་བ་རྔོག་འགྱུར་དང་། རང་གི་ལྟ་བའི་འདོད་པ་མདོར་བསྟན་པ་སྒྲ་ཚད་པ་རིན་རྒྱལ་གྱིས་བསྒྱུར་པ་མ་རྙེད་(འདིའི་རྒྱ་དཔེ་རྙེད་ནས་ཀུན་སྤངས་ཆོས་གྲགས་དཔལ་བཟང་པོས་བསྒྱུར་བ་ཡོད།)དོ། །