(༢.བསླབ་བྱ་ལ་ལྟོས་ནས་གསུམ་དུ་བཞག་པར་བསྟན་པ།)

གཉིས་པ་ནི། བསླབ་པ་གསུམ་བརྗོད་པའི་ཕྱིར་མདོ་སྡེ་སྟེ། དེ་ལས་བསླབ་པ་གསུམ་རྒྱས་པར་

༄༅།        །བརྗོད་པས་གདུལ་བྱ་རྣམས་བསླབ་པ་གསུམ་ལ་བྱང་བར་བྱེད་དོ། །ཚུལ་ཁྲིམས་དང་སེམས་ཀྱི་བསླབ་པ་བསྒྲུབ་པའི་ཕྱིར་འདུལ་བ་སྟེ། སོ་སོ་ཐར་པའི་སྡོམ་པའི་བསླབ་པ་ལ་བརྟེན་ནས་དངོས་སུ་ཚུལ་ཁྲིམས་ཡོངས་སུ་སྦྱོང་ཞིང་དེ་དག་པས་འགྱོད་པ་མེད་པ་ལ་སོགས་པའི་རིམ་གྱིས་སེམས་མཉམ་པར་འཇོག་པའི་ཕྱིར་རོ། །ཤེས་རབ་ཀྱི་བསླབ་པ་བསྒྲུབ་པའི་ཕྱིར་མངོན་པ་སྟེ། དེར་ཆོས་རབ་ཏུ་རྣམ་པར་འབྱེད་པའི་ཐབས་རྒྱ་ཆེར་བསྟན་པའི་ཕྱིར་རོ། །