(༡. རྟོགས་པར་ནུས་པའི་བློ་གྲོས།)

དང་པོ་ནི། ཐོས་པ་ཉོན་མོངས་ཀྱི་གཉེན་པོར་འགྲོ་ཞིང་ཐར་པའི་རྒྱུར་འགྲོ་པ་ལ་དོན་རྟོགས་དགོས་ཏེ་དབྱིག་གཉེན་གྱིས། རྒྱུ་གསུམ་དག་གིས་པགས་པ་ལས་སུ་རུང་བར་འགྱུར་ཏེ་སྣུམ་བཀུ་བ་དང་མཉེ་བ་དང་བསྲོ་བ་རྣམས་ཀྱིས་སོ། །དེ་བཞིན་དུ་སེམས་ཀྱང་ཐོས་

31a

༄༅།        །པ་དང་བསམ་པ་དང་སྒོམ་པ་རྣམས་ཀྱིས་སོ། །དེ་ལྟ་བས་ན་སེམས་ལས་སུ་རུང་བ་ཉིད་དུ་བྱ་བའི་ཕྱིར་ཐོས་པ་ལ་སོགས་པ་དག་ལ་བརྩོན་འགྲུས་བྱའོ། །གསུམ་པོ་དེ་དག་གི་སྟོབས་ཀྱིས་ལམ་དུ་འགྲོ་བ་རྣམས་འབྲོག་དགོན་པའི་ལས་ལས་བདེ་བར་བརྒལ་བར་འགྱུར་ཏེ་ལམ་རྒྱགས་ཀྱི་སྟོབས་དང་བཞོན་པའི་སྟོབས་དང་སྟོན་པ་པོའི་སྟོབས་ཀྱིས་སོ། །དེ་བཞིན་དུ་འཁོར་བའི་འབྲོག་དགོན་པའི་ལམ་ལས་བདེ་བའི་ལམ་དུ་འགྲོ་བ་རྣམས་སྦྱིན་པ་དང་ཚུལ་ཁྲིམས་དང་ཡེ་ཤེས་ཀྱི་སྟོབས་ཀྱིས་སོ། །འདི་གསུམ་ཆར་ཡང་ཐོས་པ་ལ་རག་ལས་སོ་ཞེས་སོ། །གཉིས་པ་ནི། མདོ་ལས་བཅུ་པོ་འདི་དག་ནི་བྱང་ཆུབ་སེམས་དཔའི་ཆོས་ཡོངས་སུ་ཚོལ་བ་སྟེ། བཅུ་གང་ཞེ་ན། གཡོ་དང་རྒྱུ་མེད་པར་བསམ་པ་ཐག་པས་ཆོས་ཡོངས་སུ་ཚོལ་བ་དང་ཞས་སགས་སོ། །གསུམ་པ་ནི། འགྲེལ་ཆེན་དུ་ལྷག་པའི་བསམ་པས་མཉན་པར་བྱ་ཞེས་བྱ་བ་ནི། ཐོད་ལ་སོགས་པ་བོར་ལ་སྟན་དམའ་བ་ལ་འདུག་སྟེ་རྣམ་པར་གཡེང་བའི་ཉེས་པ་བསལ་ཏེ་ཐར་པ་འདོད་པའི་བསམ་པས་དམ་པའི་ཆོས་མཉན་པར་བྱའོ་ཞེས་སོ། །གཉིས་པ་ནི། དེ་ལྟ་བུའི་མཚན་ཉིད་མ་ཚང་ཡང་དོན་གོ་བར་ནུས་པ་མཉན་ན་ཕན་ཡོན་ཆེན་པོ་ཡོད་དེ། རྣམ་བཤད་རིགས་པར། རྒྱུ་བསགས་པ་རྣམས་ནི་ཅུང་ཟད་མཉན་པས་བསོད་ནམས་ཆེན་པོ་དང་ལྡན་པར་འགྱུར་ཏེ། དཔེར་ན་འཕགས་པ་ཤཱ་རིའི་བུས་བསྙེན་པར་རྫོགས་པར་བྱ་བ་ལ་རྗེས་སུ་བསྟན་པ་བྲམ་ཟེ་ཞིག་གིས་ཐེས་ནས་གབ་སྟེ་འདུག་ནས་རབ་ཏུ་བྱུང་བས་ཚུལ་ཁྲིམས་ཉམས་པ་ལ་སྡུག་བསྔལ་རྣམ་པ་བཅུ་གཉིས་འབྱུང་ངོ་ཞེས་ཐོས་ནས་འཆལ་བའི་ཚུལ་ཁྲིམས་བྱ་བ་ལ་མངོན་དུ་ཕྱོགས་པ་ལས་ལྡོག་པ་ལྟ་བུའོ། །ཞེས་གསུངས་སོ། །གཞན་ཡང་དགེ་འདུན་སྲུང་གིས་ཆོས་བསྟན་པ་ལ་དྲང་སྲོང་རྣམས་ཀྱིས་ཕག་ཉན་བྱས་པས་འབྲས་བུ་ཐོབ་པ་ཡིན་ནོ། །གསུམ་པ་ནི། དོན་མི་གོ་ཡང་ཆེས་ལ་དད་ནས་མཉན་ན་བསོད་

ནམས་ཆེ་སྟེ། ཇི་སྐད་དུ། བརྡ་མི་འཕྲོད་པས་ཀྱང་སངས་རྒྱས་ཀྱི་གསུང་གུས་པས་མཉན་པར་བྱ་སྟེ། འདི་ལྟར་དད་པ་ཙམ་གྱིས་ཀྱང་ཉན་ན་བསོད་ནམས་ཆེན་པོ་ཉིད་དང་ལྡན་པ་དང་ཤེས་རབ་ཀྱི་ཁམས་བརྟས་པར་འགྱུར་ན། དོན་རྟོགས་པས་ལྟ་སྨོས་ཀྱང་ཅི་དགོས་ཏེ་བ་ལང་རྫི་དགའ་བོས་སྦལ་པ་འཁར་བས་མནན་པའི་རྟོགས་པ་བརྗོད་པ་དཔེར་བྱའོ་ཞེས་པ་དང་། ཆོས་དགའ་ཆུ་སྲིན་དུ་གྱུར་པ་ན་སངས་རྒྱས་ཀྱི་སྒྲ་ཙམ་ཞིག་ཐོས་པ་ལས་སྔོན་ཕྱག་འཚལ་ཙམ་ལ་གོམས་པའི་ཕྱིར་ཁ་བཙུམས་ཏེ་འདུག་པ་ཡིན་ནོ། །དེ་ལྟ་བས་ན་ཅུང་ཟད་ཅིག་ཐོས་པས་ཀྱང་རྒྱུ་བསགས་པ་རྣམས་ཀྱིས་དགེ་བ་རབ་ཏུ་རྒྱས་པའི་ཕྱིར། སངས་རྒྱས་ཀྱི་གསུང་མཉན་པ་ལ་འབད་པ་དང་ལྡན་པར་བྱའོ་ཞེས་སོ། །