ནང་དོན་མདོར་བསྡུས། ཆོས་འབྱུང་འདི་ནི་ལེའུ་ཆེན་པོ་བཞི་རུ་ཕྱེས་ཏེ། དམ་པའི་ཆོས་འཆད་ཉན་གྱི་ཕན་ཡོན་དང་། སྟོན་པ་ཇི་ལྟར་བྱོན་ཚུལ། ཆོས་ཀྱི་འཁོར་ལོ་ཇི་ལྟར་སྐོར་ཚུལ། བཀའ་ཡི་བསྡུ་བ་མཛད་ཚུལ་དང་། རྒྱལ་བའི་བཀའ་ཡི་དབྱེ་བ་ཕྱེས་ཏེ་ཁྱད་པར་བསྟན་པ། རྗེས་འཇུག་མཁས་པ་རྒྱན་དྲུག་མཆོག་གཉིས་སོགས་བྱུང་སྟེ། དེ་དག་གིས་བཀའ་ཡི་དགོངས་འགྲེལ་བསྟན་བཅོས་མཛད་དེ་བསྟན་པ་ཇི་ལྟར་སྐྱོང་ཚུལ་དང་། དེ་བཞིན་བསྟན་པ་བོད་དུ་ཇི་ལྟར་བྱུང་བ་དང་། ཇི་ལྟར་དར་ཞིང་རྒྱས་པའི་ཚུལ་དང་། ལྷག་པར་རྒྱལ་བའི་བཀའ་དང་རྗེས་འཇུག་མཁས་པའི་བསྟན་བཅོས་བོད་དུ་འགྱུར་རོ་ཅོག་གི་མཚན་དང་རྣམ་གཞག་སོ་སོར་ཕྱེས་ཏེ་དཀར་ཆག་ཏུ་བཀོད་དེ་བསྟན་ཡོད་དོ། །